Kategori: Ballina

Ballina

Në Shkup u promovua libri poetik ‘Shiu më do mua’ i Nadire Ismailit

Shkup, 2 dhjetor 2015 – Në prani të një numri të madh të dashamirëve të artit poetik, në Qendrën Informative Kulturore në Shkup, u promovua libri me poezi ‘Shiu më do mua’, nga autorja Nadire Ismaili. Për rëndësinë e librit folën redaktori Sevdail Demiri dhe recensenti Ahmet Selmani. Kurse, autorja tha se me 26 poezitë […]

nad

Shkup, 2 dhjetor 2015 – Në prani të një numri të madh të dashamirëve të artit poetik, në Qendrën Informative Kulturore në Shkup, u promovua libri me poezi ‘Shiu më do mua’, nga autorja Nadire Ismaili.
Për rëndësinë e librit folën redaktori Sevdail Demiri dhe recensenti Ahmet Selmani.
Kurse, autorja tha se me 26 poezitë e botuara në këtë libër modest, ka dashur t’i simbolizojë 26 vitet e jetës së saj.
Gjatë promovimit pati edhe një program të pasur artistik.
Botues është KSH “Jehona e Karadakut”-Kumanovë.

nadddd

Lexo më shumë Share

Akademi Përkujtimore kushtuar muzikologut Zejadin Ismaili (1944 2015)

Fjala e kryetarit të KSH “Jehona e Karadakut”-Kumanovë, Sevdail Demiri, në Akademinë Përkujtimore kushtuar muzikologut Zejadin Ismaili (1944 2015): E nderuara familja Ismaili. Të nderuar miq e mysafirë. Ditë më parë, mbetëm pa njeriun shumë të çmuar, i cili i dha aq shumë artit, kulturës, muzikologjisë dhe e shkencës shqiptare në përgjithësi… Pa dyshim, largimi […]

sd4

Fjala e kryetarit të KSH “Jehona e Karadakut”-Kumanovë, Sevdail Demiri, në Akademinë Përkujtimore kushtuar muzikologut Zejadin Ismaili (1944 2015):

E nderuara familja Ismaili.
Të nderuar miq e mysafirë.

Ditë më parë, mbetëm pa njeriun shumë të çmuar, i cili i dha aq shumë artit, kulturës, muzikologjisë dhe e shkencës shqiptare në përgjithësi…
Pa dyshim, largimi i tij fizik nga kjo botë, është një humbje e madhe për familjen e tij, për Kumanovën, dhe për gjithë shqiptarinë… Por mbetet e përjetshme vepra e tij, e shkruar në mijëra faqe librash e pentagramesh.
E, Zejadin Ismaili, është pikërisht njeriu, i cili me afër 30 veprat e tij, i dha shpirt e jetëgjatësi artit e kulturës shqiptare.

Të nderuar të pranishëm.
Muzika, kjo vlerë sublime e shpirtit, shumë njerëz, shpesh i ka plandosur dhe i ka hudhur nga ky realitet njerëzor, për t’u lënë të tjerëve vepra dhe vlera të cilat do të lexohen e dëgjohen me ëndje, vite, dekada e shekuj të tërë. Artin e mirëfilltë, artisti nuk mund ta krijojë pa i shtrydhë edhe atomet e fundit të shpirtit.
Zejadin Ismaili, është njëri nga ata njerëz të paktë, i cili tërë jetën ia kushtoi artit muzikor, dhe përmes vuajtjes individuale, kolektivitetit i dha vlera të pazëvendësueshme dhe unikate.
Zejadin Ismaili është njeriu i cili si rrallë ndonjë tjetër, ka arritur që përmes penës së tij dhe talentit të lindur për muzikë, të shpalosë në të njëjtën kohë vlerat më të çmueshme dhe më kulminante të etnosit dhe folklorit tonë të pasur shqiptar. Ai si pedagog, kompozitor dhe studijus i spikatur, me aq mjeshtri arriti të përshkruaj muzikën dhe folklorin e pasur shqiptar në veprat e tij etnomuzikologjike, të cilat janë të rrallat, për të mos thënë të vetmet ndër ne të këtij lloji.
Sferat e interesimit të tij ishin të shumëanshme. Letërsia dhe publicistika, ishin po ashtu dy pika shumë neuralgjike, në fokusin e interesimeve të tij. Përveç qindra kompozimeve, ai shkroi shumë tekste këngësh, për fëmijë dhe të rritur, shumicën nga të cilat i kemi lexuar edhe në shumë nga revistat vendore, me të cilat kishte bashkëpunim të rregullt vite të tëra.
Ndërsa, në sferën e publicistikës dha një kontribut të çmuar, duke shkruar dhjetëra e qindra artikuj nëpër gazeta e revista të ndryshme në Shkup, Prishtinë e më gjerë, përmes të cilave sulmonte dukuritë negative në melosin shqiptar, dhe artikulonte vlerat autoktone popullore shqiptare.
Zejadin Ismaili, ishte njëri ndër njerëzit më aktiv në të gjitha aktivitetet kulturore. Mori pjesë në themelimin, dhe u angazhua në funskionimin e gati se të gjitha institucioneve kulturore shqiptare në Maqedoni, siç janë festivalet, manifestimet kulturore, ansamblet, etj. Ndër to, shquhet angazhimi i tij edhe në themelimin dhe funksionimin e Klubit të Shkrimtarëve “Jehona e Karadakut” në Kumanovë, dhe revistës “Doruntina”, që nga vitet e 90-ta të shekullit të kaluar, e deri në ditët e tij të fundit. Mendimet, vlerësimet dhe propozimet e tij, për çështje dhe fenomene të ndryshme kulturore, ishin të një rëndësie të veçantë.
Me rastin e 20 vjetorit të “Takimeve Poetike të Karadakut” dhe 100 vjetorit të Pavarësisë së Shqipërisë, Klubi i Shkrimtarëve “Jehona e Karadakut”, e nderoi me Mirënjohje të veçantë, për kontributin e tij të dhënë për zhvillimin dhe afirmimin e kulturës shqiptare dhe të klubit. Po ashtu, në vitin 2012, klubi ynë e botoi librin e tij të 26-të me radhë, me titull “Hove shpirtërore”, i cila paraqet një mozaik vlerësimesh recensionale të gati gjithë shkrimtarëve shqiptarë të anës së Kumanovës. Ndërsa, ky botim, mbase është edhe antologjia e vetme e këtij lloji për shkrimtarët kumanovarë, të cilët i trajtonte të gjithë njëllojë, pas asçfarë smire apo xhelozie, duke i vlerësuar në bazë të opusit të tyre letrar.

Të nderuar të pranishëm dhe familjarë.
Përmasat e veprës së Zejadin Ismailit në sferën e muzikoligjisë, janë të atij niveli, saqë lirisht mund të themi, se me to mund të mësojnë e të edukohen gjenerata të tëra. Me librat e tij të shkruara me aq kompetencë, gjithmonë do të kenë se çka të mësojnë, jo vetëm se nxënësit e arsimit fillor e të mesëm, por edhe studentët e akademisë dhe ata të studimeve pasdiplomike.
Prandaj, dhimbjen ta shndërrojmë në mirënjohje për veprën e tij, dhe të shkojmë pas vizionit të tij, për një të ardhme më të ndritur dhe më të përparuar të brezave të rinj.
I qoftë i lehtë dheu i Atdheut, dhe Zoti e mëshiroftë.
Ju faleminderit.

Kumanovë, 15.11.2015

?????????????

Lexo më shumë Share

Doli nga shtypi numri 50 i revistës “Doruntina”

Kumanovë, 19.05.2015 – Doli nga shtypi numri më i ri i revistës së parë të pavarur shqipe në Maqedoni për letërsi, shkencë dhe kulturë “Doruntina”, botim i Klubit të Shkrimtarëve “Jehona e Karadakut” nga Kumanova. Nga përmbajtja e këtij numri, i 50-ti me radhë, me gjithsej 168 faqe, veçojmë: poezi të zgjedhura nga autori Baki […]

Doruntina 50Kumanovë, 19.05.2015 – Doli nga shtypi numri më i ri i revistës së parë të pavarur shqipe në Maqedoni për letërsi, shkencë dhe kulturë “Doruntina”, botim i Klubit të Shkrimtarëve “Jehona e Karadakut” nga Kumanova.

Nga përmbajtja e këtij numri, i 50-ti me radhë, me gjithsej 168 faqe, veçojmë: poezi të zgjedhura nga autori Baki Ymeri, tregim nga Muhamet Halili, poezi italiane nga Aida Merini e Sebastiano Grasso, poezi nga Rushit Ramabaja, Nebih Bunjaku dhe Avni Dehari, fragment romani nga Nijazi Ramadani.

Më tej në këtë numër të revistës “Doruntina” radhiten poezitë e lexuara dhe të shpërblyera nga manifestimi tradicional letrar “Takimet Poetike të Karadakut-2015”. Nga gjuhësia mund të lexoni punimin e Armend Ukaj “Disa nga huazimet latine në gjuhën shqipe”, si dhe dy vështrime nga autorët Bilall Maliqi dhe Sevdail Demiri, etj.

Kryeredaktor i revistës “Doruntina” është Burhanedin Xhemaili. /www.jekaradakut.org/

Lexo më shumë Share

“Takimet Poetike të Karadakut 2015”, çmimi i parë për Sabit Rrustemin (FOTO-VIDEO)

Më 11 dhe 12 mars në Kumanovë u mbajt edicioni i 23-të me radhë i manifestimit tradicional kulturor-letrar “Takimet Poetike të Karadakut”. Manifestimi filloi me orën e madhe letrare, me pjesëmarrjen e mbi 30 poetëve nga të gjitha trojet shqiptare. Në hapje të manifestimit, kryetari i Klubit të Shkrimtarëve të Kumanovës “Jehona e Karadakut”, Sevdail […]

Më 11 dhe 12 mars në Kumanovë u mbajt edicioni i 23-të me radhë i manifestimit tradicional kulturor-letrar “Takimet Poetike të Karadakut”. Manifestimi filloi me orën e madhe letrare, me pjesëmarrjen e mbi 30 poetëve nga të gjitha trojet shqiptare.

Sevdail DemiriNë hapje të manifestimit, kryetari i Klubit të Shkrimtarëve të Kumanovës “Jehona e Karadakut”, Sevdail Demiri, tha se 11 Marsi është një simbolikë e fuqishme për historinë e shqiptarëve të këtyre trojeve. “11 Marsi është datë që përkujton protestat studentore të vitit 1981 në Prishtinë, për lirinë dhe pavarësinë e Kosovës. Por është datë e rëndësishme që lidhet edhe me historikun e Ushtrisë Çlirimtare Kombëtare në Likovë e Karadak në vitin 2001. Andaj, pikërisht në këtë datë, tradicionalisht mblidhen poetë e shkrimtarë nga të gjitha trojet shqiptare, për të përkujtuar të kaluarën e ndritshme, por edhe shumë të rëndësishme të brezave tanë, në luftën për liri e pavarësi kombëtare. Pikërisht duke e pasur parasysh këto dimensione, ky manifestim tejkalon kornizat e një takimi të thjeshtë letrar”, tha Demiri.

Ora e madhe letrare filloi me shkrimtarin, publicistin, veprimtarin e dalluar në fushën e kulturës dhe letërsisë, poetin nga Prishtina, z.Rushit Ramabaja. Më pastaj me poezitë e tyre u prezantuan poetët: Rozeta Kreste, Avni Dehari, Sabit Rrustemi, Nehas Sopaj, Nebih Bunjaku, Drita Nikoliqi-Binaj, Demush Berisha, Rexhep Abazi, Nazmi Beqiri, Sarë Gjergji, Zejnepe Alili-Rexhepi, Rahim Ganiu, Bilall Maliqi, Ismail Bilalli, Burhanedin Xhemaili, Ermira Selami, Arsim Halili, Arbër Saliu, Arben Rashkaj, Ismail Ganiu, Adriatik Zeqiri, Sunaj Raimi, Arben Ibrahimi, Lindita Dushku, Qerim Bajrami, Fatos Rushiti, Ali Qerimi, Rrahman Iseni dhe Kreshnik Sopaj.

Pas orës letrare, juria në përbërje: Bejtush Memeti, Nexhat Rexha dhe Mumin Zeqiri, ndau çmimet “Fadil Bekteshi”. Si poezi më të suksesshme u vlerësuan: për vendin e parë poezia “11 Marsi ‘81” e autorit nga Gjilani Sabit Rrustemi, për vendin e dytë poezia “Pa adresë” e autores nga Tetova Zejnepe Alili-Rexhepi, ndërsa për vendin e tretë u ndanë dy çmime, edhe atë për poezinë “Drita e kujtesës” e autorit nga Kumanova Burhanedin Xhemaili, dhe për poezinë “Kartë pa adresë” e poetes nga Pogradeci Rozea Kreste. Fituesve iu ndanë mirënjohje dhe një vlerë e caktuar monetare.

Të gjitha poezitë e lexuara në këtë mbrëmje poetike, do të botohen në numrin e radhës të revistës “Doruntina”, organ i Klubit të Shkrimtarëve të Kumanovës “Jehona e Karadakut”.

Për ilustrimin muzikor të mbrëmjes poetike, u kujdes violinistja kumanovare me perspektivë, Funda Aliu, duke performuar nuanca të shkëlqyera të muzikës klasike.

Ndërsa, në ditën e dytë të manifestimit, poetët mysafirë vizituan varrezat e dëshmorëve dhe martirëve të kombit në Sopot, Vaksincë, Sllupçan, Orizare dhe Hotël.

Më pas, në Komunën e Kumanovës, u mbajt tribunë letrare me temë: “Letërsia shqipe në epokën e internetit, mes vlerës, kiçit dhe popullaritetit”, ku morën pjesë aktive shumë poetë, shkrimtarë e dashamirë të artit e kulturës shqiptare. /www.jekaradakut.org/

mk

22222

s2takimet poetike te Karadakut 2015

111111

sallatribua letrare

VIDEO-LINKU nga lajmi i programit shqip të TVM-së në Shkup, me gazetar Nexhat Aqifi:

http://al.play.mrt.com.mk/play/56156/u-mbajt-edicioni-i-xxiii-te-i-takimeve-poetike-te-karadakut

 

VIDEO-LINKU – programi i plotë i Orës letrare, TV FESTA – Kumanovë

[youtube height=”auto” width=”auto”]https://www.youtube.com/watch?v=dKmNE0-ZstY&feature=youtu.b[/youtube]

Lexo më shumë Share

Më 11/12 mars 2015, edicioni i XXIII-të i “Takimeve Poetike të Karadakut”

Më 11 dhe 12 mars, mbahet edicioni i XXIII-të i manifestimit kulturor-letrar “Takimet Poetike të Karadakut”: Më 11.03.2015 (e mërkurë), ~ora 17.00, në Qendrën për Kulturë në Kumanovë, fillon ORA E MADHE LETRARE, me pjesëmarrjen e dhjetëra poetëve nga Maqedonia, Kosova e Shqipëria; Më 12.03.2015 (e enjte): ~ora 09.00 – Vizitë varrezave të dëshmorëve në […]
takimet poetike te karadakut

Më 11 dhe 12 mars, mbahet edicioni i XXIII-të i manifestimit kulturor-letrar “Takimet Poetike të Karadakut”:

Më 11.03.2015 (e mërkurë),
~ora 17.00, në Qendrën për Kulturë në Kumanovë, fillon ORA E MADHE LETRARE, me pjesëmarrjen e dhjetëra poetëve nga Maqedonia, Kosova e Shqipëria;

Më 12.03.2015 (e enjte):
~ora 09.00 – Vizitë varrezave të dëshmorëve në Sopot, Vaksincë, Sllupçan, Orizare, Hotël.
~ora 12.00 – Salla e vogël e Komunës së Kumanovës – TRIBUNË LETRARE me temë: “Letërsia shqipe në epokën e internetit, mes vlerës, kiçit dhe popullaritetit”.

Lexo më shumë Share

Irena Gjoni fituese e çmimit “Pena e Flakës” në Gjilan

  Gjilan, 30.01.2015 – Me Orën e madhe letrare dhe shpalljen e rezultateve të konkursit shpërblyes, në Gjilan ka përfunduar “Pena e Flakës”, që është njëra prej katër shtyllave kryesore të manifestimit shumëkulturor “Flaka e Janarit”, që mbahet në këtë qytet prej 24 vitesh, në nderim të heronjve, dëshmorëve dhe martirëve të kombit. Juria në përbërje […]
 juria

Gjilan, 30.01.2015 – Me Orën e madhe letrare dhe shpalljen e rezultateve të konkursit shpërblyes, në Gjilan ka përfunduar “Pena e Flakës”, që është njëra prej katër shtyllave kryesore të manifestimit shumëkulturor “Flaka e Janarit”, që mbahet në këtë qytet prej 24 vitesh, në nderim të heronjve, dëshmorëve dhe martirëve të kombit.
Juria në përbërje Mehmetali Rexhepi, Sevdail Demiri e Fatmir Minguli, çmimin e Orës letrare ia ka ndarë poetes nga Saranda, Irena Gjoni, e cila u prezantua me poezinë “Ditë shpirti”…

-Përndryshe, në orën letrare, me punimet e tyre, të pabotuara, u paraqitën 35 poetë nga Kosova, Shqipëria, Maqedonia e Lugina e Preshevës, Zejnepe Halili, Linditë Ramushi-Dushku, Eda Miri, Arsim Halili, Zeqir Fazliu, Rrahim Sadiku, Demir Behluli, Beqir Buzoku, Rexhep Abazi, Rabije Bytyqi, Sarë Gjergji, Sejdi Berisha, Zana Piraj dhe të tjerë.
Ndërkaq, juria tjetër, në përbërje Ibrahim Kadriu, Sadete Tërnava-Osmani dhe Hasan Bunjaku ka shpallur rezultatet e konkursit letrar shpërblyes në poezi dhe tregim.
Vendi i parë për poezi i takoi punimit “Kitara” (shifra: Kitara) që doli të jetë e autores Zejnepe Halili nga Tetova, vendi i dytë – poezisë “Shën Asht” (shifra: Poeti) me autor Sarë Gjergjin nga Vitia, kurse vendi i tretë i është ndarë poezisë “Përmasat e eklipsit” (shifra: Rikthimi), që doli të jetë e poetes Rabije Bytyqi nga Prizreni.
Për tregim janë dhënë këto çmime: vendi i parë – “Takimi me vrasësin tim” (shifra: Miku im), vendi i dytë – “Synimi ynë për të krijuar njeriun” (shifra: Krijuesi), vendi i tretë – “Pirgu i errësuar” (shifra: Pirgu). Nga punimet e shpërblyera në tregim, u deshifrua vetëm vendi i dytë, që doli të jetë Rrahim Sadiku nga Ferizaj.
Përndryshe, juria ka përzgjedhur për botim në revistën letrare “Agmia” 33 poezi, nga 112 sa kanë arritur në konkursin letrar shpërblyes si dhe 12 tregime, nga 29 sosh, sa ishte prurja e përgjithshme në këtë zhanër krijues.
Çmimin e orës letrare, fitues nga Saranda ia ka dorëzuar Bujar Hairi, drejtor për Kulturë. Gjoni ka qenë fituese e këtij çmimi edhe para dy vitesh.
Orën letrare, e cila është organizuar nga Njësia për Kulturë dhe Ars Clubi “Beqir Musliu” e ka udhëhequr Fatushe Haliti. /rajonipress/

 P.S. Nga Klubi i Shkrimtarëve “Jehona e Karadakut” nga Kumanova, përpos kryetarit Sevdail Demiri si pjesë e jurisë profesionale, morën pjesë edhe poetët: Burhanedin Xhemaili, Arben Ibrahimi dhe Selajdin Shabani.

Lexo më shumë Share

Ismail Kadare feston sot 79 vjetorin e lindjes

28 Janar 2015 – Ismail Kadare feston sot 79 vjetorin e tij të lindjes. Shkrimtari shqiptar Ismail Kadare është një nga më të mëdhenjtë e letërsisë shqiptare, ndërkohë që veprat e tij janë njohur përtej kufijve. Kadare është një nga shkrimtarët më të njohur të letërsisë botërore bashkëkohore. Me veprën e tij, ai ka shënuar një […]

kadare

28 Janar 2015 – Ismail Kadare feston sot 79 vjetorin e tij të lindjes. Shkrimtari shqiptar Ismail Kadare është një nga më të mëdhenjtë e letërsisë shqiptare, ndërkohë që veprat e tij janë njohur përtej kufijve.

Kadare është një nga shkrimtarët më të njohur të letërsisë botërore bashkëkohore. Me veprën e tij, ai ka shënuar një numër rekord të përkthimeve (në mbi 45 gjuhë të huaja), ai e ka bërë të njohur Shqipërinë në botë, me historinë dhe kulturën e saj.

Vepra e parë e rëndësishme e Ismail Kadaresë në prozë është romani “Qyteti pa reklama”, që nuk u lejua të botohej i plotë deri në vitin 2003.

Shumica e veprave të Ismail Kadaresë janë përkthyer e botuar në mbi 45 gjuhë të botës dhe janë pritur shumë mirë nga lexuesit.

Shkrimtari shqiptar më i njohur për botën, është laureat i shumë çmimeve letrare kombëtare dhe ndërkombëtare.

Karriera e Ismail Kadaresë

Kadare ka lindur më 28 janar të vitit 1936 në Gjirokastër. Më 1958 mbaroi degën e Gjuhës e të Letërsisë në Universitetin e Tiranës. Më pas studioi në Moskë, për dy vite, në Institutin e Letërsisë Botërore “Maksim Gorki” nga viti 1958 në vitin 1960.

Ai detyrohet t’i braktisë studimet për shkak të ashpërsimit të marrëdhënieve mes Shqipërisë dhe Bashkimit Sovjetik. Kthehet në Shqipëri dhe më pas punon ne gazetën “Drita”, e me pas drejton revistën “Les letres albanaises”.

Në vjeshtën e viti 1990 Ismail Kadare vendosi të largohet nga Shqipëria dhe të qëndrojë në Paris. Shkrimtari në atë kohë e përligji këtë largim me “mungesën e ndryshimeve demokratike”. Autoritetet e diktaturës komuniste e dënuan largimin e Ismail Kadaresë, por krijimtaria e tij nuk u ndalua.

Nga viti 1990 e më pas vepra e tij bëhet shprehja më e fuqishme e vlerave gjuhësore dhe artistike të shqipes letrare, brenda dhe jashtë vendit. Letërsia e Ismail Kadaresë pas vitit 1990 bart të njëjtat tipare thelbësore të asaj të mëparshme: frymën etnografike dhe shpërfaqjen e identitetit shqiptar – shtuar lirinë e autorit për të trajtuar tema që më parë nuk mund të trajtoheshin lirshëm.

Në vitin 1996 Kadare u bë anëtar për jetë i Akademisë së Shkencave Morale dhe Politike në Francë.

Në vitin 1992 u vlerësua me Prix Mondial Cino Del Duca; në 2005 fitoi “Man Booker International Prize” dhe në vitin 2009 u nderua me çmimin spanjoll Prince of Asturias, për Artet – që është një nga çmimet letrare më prestigjioze në botë.

Në vitin 2010 Ismail Kadare nderohet në Itali me çmimin Lerici Pea.

Ismail Kadare është dekoruar nga institucioni i Presidentit me Urdhrin “Nderi i Kombit” dhe nga shteti francez me urdhrat “Kryqi i Legjionit të Nderit” e “Oficer i Legjionit të Nderit”.

/Shekulli Online/

Lexo më shumë Share

Feriz Ukshini: NЁ NDЁRRIM MOTMOTESH

NЁ NDЁRRIM MOTMOTESH Iku edhe një cikël muajsh, për të mos u kthyer kurrë. Kapela e respektit hiqet mu te porta e dhjetorit, e kaluara e brisht,shkon duke u lekundur, mposhtet nga lodhjet, mbyllet gryka kujtimeve në thesar përvoje, tërhiqet si mbi pyka saji,në një botë imagjinatash! Viti i Ri ia beh, padjallëzisht i dalldisur […]

fu

NЁ NDЁRRIM MOTMOTESH

Iku edhe një cikël muajsh, për të mos u kthyer kurrë.
Kapela e respektit hiqet mu te porta e dhjetorit,
e kaluara e brisht,shkon duke u lekundur, mposhtet nga lodhjet,
mbyllet gryka kujtimeve në thesar përvoje,
tërhiqet si mbi pyka saji,në një botë imagjinatash!

Viti i Ri ia beh, padjallëzisht i dalldisur në fluska bore ,
goja behar-plot urata dhe dëshira të pa peshuara në mundësi,
me shpresë qe sakrifica të merr çmimin e durimit,
për një vit të mbarë, ku e drejta çmohet e përfillet ,
e ëmbëla të shijohet me dashuri,
bekimi te mbetet roje nderi e miresie,
te mos ndalet fluturimi në krahë të shpresës.
Ky vit të përthej si rreze drite në pafundësi e sytë të shkëlqejnë në lot gëzimi …

Cleveland, 29 Dhjetor 2014

Lexo më shumë Share

U promovua libri i Nazmi Beqirit: “Rrugëtimi drejt luftës për paqe”

Shkup, 26 dhjetor – Dje në amfiteatrin e UEJL, u bë promovimi i librit “Rruga drejt luftës për paqe” me autor Mr. Nazmi Beqiri. Librin në fjalë, të cilin e kishte botuar “Instituti për studime strategjike dhe ndërkombëtare” e prezentuan dhe për të folën një numër panelistësh të nderuar ndërsa me gjithë promovimin udhëhoqi Profesor […]

libri nbShkup, 26 dhjetor – Dje në amfiteatrin e UEJL, u bë promovimi i librit “Rruga drejt luftës për paqe” me autor Mr. Nazmi Beqiri. Librin në fjalë, të cilin e kishte botuar “Instituti për studime strategjike dhe ndërkombëtare” e prezentuan dhe për të folën një numër panelistësh të nderuar ndërsa me gjithë promovimin udhëhoqi Profesor Doktor Ylber Sela.
Profesor Sela, duke folur për librin përveç tjerash iu bëri thirrje të gjithë pjesëmarrësve në luftën e vitit 2001 që sa më parë të shkruajnë për këtë ngjarje të madhe duke kujtuar vetë ndodhitë dhe duke prezentuar ato nga dora e parë.
Të pranishmit i përshëndeti Kryetari i Komunës së Çairit z. Izet Mexhiti i cili tha se lufta e vitit 2001 ka qenë njëra prej luftërave më të drejta dhe ngjarja e cila shënoi një kthesë të madhe për shqiptarët e Maqedonisë, një ngjarje e cila solli Marrëveshjen e Ohrit dhe si rezultat i saj u themelua Komuna e parë urbane shqiptare e Shkupit, Komuna e Çairit.
Pastaj për librin folën edhe recenzentët, Dr. Sadri Ramabaja dhe Dr. Bekim Maksuti të cilët apostrofuan vlerën e saj jo vetëm historike por duke theksuar edhe dimensionin e saj politik.
Në fund të këtij manifestrimi, para një opinion të gjërë të përfaqësuesve të jetës politike, intelektuale e qytetare të Shkupit, Kumanovës dhe më gjërë, foli autori i librit, veprimtari i shquar i çështjes kombëtare, Mr. Nazmi Beqiri.
Duke folur për veprën e tij të fundit, zoti Beqiri theksoi rëndësinë e luftës së shqiptarëve për të drejtat e tyre ndërsa nuk la pa përmend edhe fragmente të librit të cilat reflektojnë nderin, vendosmërinë dhe qëndrueshmërinë e djemve e vajzave të reja të cilët gjatë vitit 2001 kishin sakrifikuar çdo gjë për një jetë më të mirë dhe më të dinjitetshme. /Zhurnal.mk/
libri nb1

Lexo më shumë Share

Poezi të zgjedhura nga Sabit Rrustemi

Sabit Rrustemi, Gjilan   Cikli poetik: “Nxora një shtresë zemre”     AI VARG JAM UNË   Vargu im niset dhe pa mua për tek Ti si trokitje e lehtë dite si një puthje e ëmbël mëngjesi   Shpalos një ëndërr të re tek drithërohet nëpër ty universit pakufi   S’pyet në ka re në […]

srr

Sabit Rrustemi, Gjilan

 

Cikli poetik: “Nxora një shtresë zemre”

 

 

AI VARG JAM UNË

 

Vargu im niset dhe pa mua

për tek Ti

si trokitje e lehtë dite

si një puthje e ëmbël mëngjesi

 

Shpalos një ëndërr të re

tek drithërohet nëpër ty

universit pakufi

 

S’pyet në ka re në rigon shi

vjen e hyn brenda teje

si çdo dashuri

 

Ai varg i tëri jam unë

që prehje kërkon në tëndin gji

shpirti im i fshehur n’ Poezi

 

 

DERA RRI E HAPUR SI UNË

 

Dikur moti nga larg

të kundroja si një ëndërr

Më pas

trokita e hyra hapësirës sate

deri në zemër

 

Me vite pastaj

më gënjeu pritja

një shpresë në bebzë syri

 

Po vonë ish shumë vonë

për t’u nisur dhe njëherë nga fillimi

 

Në ëndrra të tjera

u përplasëm

si unë

si ti

 

Tash

të vetmen rrugë që m’ka mbetur

po e ecë

kësaj copë jete kah ajo shtëpi

rrëzë Çepurit

 

Kujt t’i duhem

mund të më kërkojë

kohë e pa kohë

 

Dera rri e hapur

si unë

 

 

PA MË T’VOGLËN FJALË

 

U ndërrua dita në mesnatë

 

Nuk ndjeva britmë

as gjëmë

 

Vetëm ora theu heshtjen e mbyllur

në xham

 

Një perde e gjumtë

sysh më ra

përpak nuk pashë

 

Brenda syve t’u isha

vetëm nuk të lashë

Pa më t’ voglën fjalë

veten time sall ta dhashë

 

 

E NUK U SHUAN

 

Nëpër pika

Vërshojnë pritjet

Mërzia

 

A do qëndrojë poezia

 

Unë do “heshtë” dhe në ëndrra

Po dashuria

A do shpallë ditë zie

Për ndjenjat e mia

Të fshehura

Dhimbjet e përndezura

Sa herë i qëlloi rrufeja

 

Dhe prapë

Prapë mbetën në mua

Mbi t’ lumen tokë

Gjëmëve të veta

E nuk u shuan

 

 

NË TË SOSURËN E NJË DITE

 

nata shtrihet përkohshëm

mbi sytë e lodhur të ditës

zbret mjegulla

 

ajo ngatërron shtegun e zemrës

sokaqeve qorre të qiellit

ndizen ndjenjat si yje

 

ai bredh me një yll në ballë

planetit që erret e herret

një loçkë zemre dëshirohet

 

përkohshëm kthehet dita

mbi ëndrrat e përlotura

jeta lanë mëkatet

 

 

Ç’ MUND TË TË OFROJ MË SHUMË

  

Zoti nuk thotë harroje

As Zemra

 

Një det ndjenjash qepet Çepurit

Po rruga përpjetë deri në Kodër

 

Shtigjet zik – zake i ka mbuluar dushku

Bari i ri

 

E paecura ime vonohet për pak

 

Ate që e dua në vete e ruaj

Edhe kur më ikën me mëngjes

Edhe kur më kthehet rrallë e përmallë

Përmes ndonjë ëndrreje

 

Lutjet nuk kryejnë punë më

Nëse nuk lëviz drejt teje

Më shkelë dhe kjo kohë

 

E dashur

Po e deshe malin qe ku jam

Po e lype detin qe ku e ke

Në shpirtin tim

 

Dhe mua të tërin

Diku thellësive të paprekura

 

Ç’ mund të të ofroj më shumë

Pos shpirtin tim

Të rinuar prej dashurie

 

 

PËRTEJ NJË VETËTIME

 

Shiu vërshoi

nëpër këpucët e mia të zeza

 

Qorapët e qullura më gostitën

me ngjyra të mbyllura

pjesëve të sipërme të këmbëve

thembrave

 

E unë trupoja rrugën para makinave

semaforëve të heshtur të lagur

zebrave të fshira të harruara

se Ti më prisje diku

përtej një vetëtime

syve përmallim

 

Këpucët po thahen në ballkon

dhe ngjyra e fituar gratis

u shly tashmë

 

Mbete vetëm Ti

qiell i kaltër dashurie

 

 

REÇETË E PËRDITSHME

 

Me lotin e ftohtë të pritjes

Laji faqet

Sytë

E vish rrobat e shpirtit

 

Shetitjen e mëngjesit

Bëje nëpër hartën e dashurisë

 

Nëpër secilën gjymtyrë

 

Kur të merr etja

Për freski mali

Kthe kah buzët e mia

 

Po pate kokëdhembje

Ftoje pllëmben përkëdhelëse

Që me prekje shëron

 

Mungesash mos u streho

Aty ku nuk jam

Mos më kërko

 

Hapit tim

Fjalës që çelë atë portë zemre

I beso

 

 

E DIELA E DASHURISË

 

Java jonë e jetës

Përmbyllet përherë

Me një ditë të dielë

 

Le të jetë kjo ditë e faljeve

Për mëkatet e bëra

Që nuk i themi

 

Ditë e lutjeve

Për ate që e duam

E nuk e kemi

 

Ditë e bekimeve

Për ate që e shijojmë thellë

Shtresave të paqta

Të zemrave

Deri në amshim

 

E dielë e dashurisë

Qoftë çdo ditë

 

 

ATY KU NUK U TAKUAM KURRË

 

( Ndjenja )

 

Pres të më lajmërohet

A këtu

Brenda e kam

 

Nuk po e shoh

Vetëm po e ndiej

Tek pulson me ritmet e zemrës

 

O Zot

Seç më drithëron

 

Ma vë para syve

Ta shoh

Ta prekë

Mes buzësh të saja

Dua të pushoj

Gjatë gjatë e pambarim

 

( Pritja )

 

Nuk ka orë që e mat prtijen

Përveç zemrës

 

Ajo shënon vonesën

Dhe atë trokitje

Aq të pritur

 

( Sytë )
Nuk i kemi

Sall për të ëndërruar

 

Ata digjen në pritje

Për ta parë atë

Që një jetë e ëndërruan

 

( Ëndërr )

 

As është këtu

As atje

Është zhytur thellë në pritje

 

Ajo dorë që shkundë

Këtë ëndërr

Tek Ti është

 

( Ecja )

 

Një jetë ecë

Kah vetja

E

Ende në fillim

 

Sa jetë më mjaftojnë

Për ta arritur njëherë

Atë që kam thellë

Në timin shpirt

 

( Caku )

 

Në cilën do pjesë të universit

Caku im je ti

 

Po e mbledh kohën e ikur

Përmes së tashmes

Që s’mjafton

 

Në kohën që vjen

Jam aty

Ku s’u takuam kurrë

 

 

DO TA HESHTË KËTË DHEMBJE

 

Si bimë e egër

mes plasave të gurit

sht(r)atin nis

 

Askush nuk i zgjatë duart për ta shkulë

për ta tërhequr zvarrë përmidis sheshit

këtë hajneshë të regjur

 

As dhe ti aromë e munguar e kësaj dite

buzëqeshje që kullon buzëve të mia

për këto dy drita

 

Kjo dhembje ka një emër

që s’ ia shqiptoj kurrë

 

Do të heshtë përballë saj

si ai dru i njomë

që përcëllohet në furrë

 

E dashur nëse pak më do

rri pak më larg këtij lumi

që po digjet si unë

 

 

MES MEJE DHE PRITJES

 

Pritja

një minut para të Dymbëdhjetës

ma hap portën

aty ku bota fshehur nëpër pjata

trazon muret

 

Hapat e mi ngatërrohen

parkut me gjethe

 

Në Dymbëdhjetë e një minut

hija ime rrëshqet mes gishtërinjëve të Pritjes

përtej udhës në pikëditë

 

Muret në heshtje

përbijnë gjuhën

 

Vetmia lëpinë pjatat

si ngjyra e vjeshtës

fytyrën time prej gjethi

 

Mes meje dhe Pritjes

dy minuta përbirojnë një shekull jetë

 

 

NJË PRUSH LOTSH

MBI F’TYRËN TIME ZBRET

 

( varianti II )

 

Pëlcet Kupë e Kaltër

prej zjarrmie

pëlcet

 

Prush i qielltë

mbi timen lëkurë derdhet

 

T’ kish qenë prush i buzëve tua

do ta duroja

pa siklet

 

Lisit me brenga

vetëm shenja e së djegures mbet

 

Një prush lotsh fytyrës sime zbret

 

 

SA E RE KJO ËNDËRR E LASHTË

 

Në Ty fshihet imja ëndërr

që e rrëfej me mijëra vjet

 

Si ëndrra jote për një tjetër

nën strehë qerpikësh pret

 

Pa nuk e nxë siç nuk e zura

anise bota ka një mal ura

 

Sa e re kjo ëndërr e lashtë

trazon qiejt dhe atje lart

 

Dhe tokën mbush me akuj zjarr

e dua e dua dhe kur s’ e marr

 

 

IMAZHI YT I PAMPOSHTUR

 

Me perde të errët mbulova dritaret

në pikë të ditës e të natës

 

I lëshova dhe parmakët

 

Imazhi yt gjente një vrimë

përbirohej e më shfaqej para syve

 

Një perde dhe më të errët

për memorien time kërkova

dhe një çelës me dry

 

Ti shkeve perde theve dryj

e u shfaqe më e bukur se Helena

se Tanusha se ajo Zanë kroni

 

Shteg tjetër nuk më mbeti

 

Hapa krahët

Zemrën e shpirtin çela

Dhe në gji të mora

 

Asgjë s’ kish qenë vapa

ai diell i largët n’ horizont

çka kishe qenë ti

 

Dimrat e krejt jetës sime

zjarrin e trupit tënd s’ e ngrijnë

 

 

AJO QË S’ DO TA MENDOJA

 

Se më ka harruar ajo e trokitur në dritare

tek sa po flija agut të çdo dite

 

Se më ka braktisur ajo ëndërr jete

që e ruaja thellë në zemër

 

Se nuk fluturon para syve të mi ajo grishë Çepuri

dhe fundit të kësaj vere

 

Se nuk i eci dhe i përgjumur

shtigjet e fëmijërisë sime

 

Se pritja një ditë nuk do të shpërblehet

me aromën e munguar të lules që s’ jepet

 

Se jeta

se dashuria

se kujtimi

nuk do të jetojë dhe pa mua

 

 

TEK TI DO VIJ

 

Do kthej kah ti kudo që je

të të shoh në je zgjuar

në je shkundur nga ky shi

nga mungesat që sjellin mërzi

 

Do kthej do kthej

edhe kur rrugë të ndryshme

përftojmë bëjnë dredhi

 

Ta shoh veten time në ata sy

në jam ky që e di

ai mali i njomë mbi timen shpi

 

Një sopatë e ndryshkur bishtajur

shpinën pakëz ma ka thy

dhe malli për ty

 

Do dal patjetër tek ti do vij

me veten time që banon aty

një kafe ta pij

 

Thinjat e pritjes t’ i dëboj përsëri

 

 

KI ME RIGUE

 

Nji shi si ky moti e kam andrrue

dhe ty dhe ty moj

tek ai shteg Çepuri

degët tuj m’i shkundllue

 

Sa gjethe sa puthje sa pika shiu

i u dashkan k’saj zemre

etjen me dëbue

 

E përkohshme kjo jetë

mallin mallin për me shue

 

Bjer shi

bjer e mos u ngij me mue

se ajo tash e sheh t’njejtën andërr

qi nji jetë të tanë kam me andrrue

 

Si k’to riga shiu

ti tek unë ki me rigue

 

 

E PADËBUARA MBIN PËRSËRI

 

Kot përpiqem ta djeg mallin nën diell

ta shtrijë e ta thajë deri në rrënjë

në rërë deti në maje Çepuri

a te Guri i Thatë

 

Më përvidhet si erë

përmes një reje me gjëmime

më kthehet në shi

nëpër grimca dheu përbirohet

rrudhave të ballit

mbin përsëri

 

Ushqim i pasosur i mallit tim

je Ti

 

Ti që s’dëbohesh nga imja thellësi

 

 

BRENDA ASAJ ZEMRE MBES

 

Natën kam me shprazë n’gotë

si atë verë të kuqe t’Flladnikit

e kam me pi përngadalë

hërrpamë për hërpamë

deri në mëngjes

 

Natën

një ëndërr për ty

kam me mbyllë në sy

deri në hapin tënd

në trokitjen që pres

 

Brenda asaj zemre të paqtë

përjetshëm mbes

 

 

PËRBALLË ASAJ QË NDJEJMË

 

Nëntë rrathë harrese ma mbështollën vargun

nëntëdhjetenëntë herë mendja më vajti

e më mbeti tek ti

 

E mrekulluar nga ata sy

ende është aty

 

Rrethi i dhjetë i harresës as u nis

rrathët e mëparmë u zhbënë

përballë asaj që ndjejmë

 

E dashur

varg jete më je bë

 

 

PËRMES FRYMËS SIME

 

Shprusha kaçubë më kaçubë

shtigjeve të Çepurit

 

Si shpend i vetmuar shprusha

 

Një flatër mëllenje gjeta

një flatër të braktisur

 

Nga thellësia e qenies

nxora një shtresë zemre

n’ shuplakë e shtriva

dhe shkrova:

 

“dhe kurrë në mos më kujtofsh

ti mirë e më mirë qofsh

loçka ime”

 

Përmes frymës sime

andej kah je ti

e nisa

 

――

Poezitë e këtij cikli janë të shkruara mes viteve 2009 – 2012

 

Lexo më shumë Share