Kategori: Ballina

Ballina

Shkrimtari Avni Dehari laureohet me çmimin special ‘’Jehona e 11 Marsit’’

30-VJETORI I TAKIMEVE POETIKE TË KARADAKUT NË KUMANOVË Më 11 mars 2022, në Kumanovë u mbajt edicioni i 30-të i manifestimit tradicional letrar “Takimet Poetike të Karadakut”, organizuar nga Klubi i Shkrimtarëve “Jehona e Karadakut”. Manifestimin e shpalli të hapur kryetari Fatos Rushiti, i cili mes tjerash tha se ky 30 vjetor na gjen në […]

30-VJETORI I TAKIMEVE POETIKE TË KARADAKUT NË KUMANOVË

Më 11 mars 2022, në Kumanovë u mbajt edicioni i 30-të i manifestimit tradicional letrar “Takimet Poetike të Karadakut”, organizuar nga Klubi i Shkrimtarëve “Jehona e Karadakut”. Manifestimin e shpalli të hapur kryetari Fatos Rushiti, i cili mes tjerash tha se ky 30 vjetor na gjen në një atmosferë krejtësisht tjetër nga rrethanorët politik aspak të favorshëm që ishin në vitin e largët 1992 kur u themelua klubi, e ku pa dyshim meritën kryesore e kishte poeti i ndjerë, kryetar i parë Fadil Bekteshi. ‘’Ishte letërsia, ishte dashuria për vetë poezinë, ishte ideali dhe këmbëngulja e pakompromis e disa intelektualëve relativisht të rinj në moshë si Fadil Bekteshi, Nehas Sopaj, Bejtush Mehmeti, Burhanedin Xhemaili, dhe disa të tjerë, që morën guximin të themelojnë njërin nga klubet e para të shkrimtarëve në Maqedonisë me emër shumë simbolik ‘’Jehona e Karadakut’’. E them guximin sepse në atë kohë, ndonëse ishim në pluralizëm formalisht por brendësisht sistemi politik i kohës nuk e dëshironte intelektualizmin shqiptar, nuk i përballonte poetët dhe romansierët e rinj të botoheshin lirshëm dhe të vepronin lirshëm në gjuhën shqipe’’, theksoi Rushiti.
Në këtë përvjetor të rëndësishëm u nda çmimi special ‘’Jehona e 11 Marsit’’, për shkrimtarin dhe veprimtarin e çështjes kombëtare Avni Dehari, i cili siç u cek në recensionin e komisionit vlerësues, ishte njëri nga promotorët kryesor të të gjitha ngjarjeve që lidhen me qëndresën më të re kombëtare të viseve tona.
Pas orës së madhe letrare, tradicionalisht u ndan dhe çmimet letrare, ‘’Fadil Bekteshi’’, ku me Çmimin e parë u laureua poeti i njohur nga Presheva Bilall Maliqi, me çmimin e dytë poetja nga Korça Gerta Bandilli, ndërsa me çmimin e tretë poeti nga Tetova Daim Ilazi.
Kryesia e klubit ndau plaketa post mortum për shkrimtarët Fadil Bekteshi, Zejadin Ismaili, Rahim Ganiu, Nuri Rexhpi-Dana, Fehmi Zulfiu, si dhe për Vaid Saiitin – ish kryetarin e Komunës së Likovës.
Plaketa u ndanë për shkrimtarët Bejtush Mehmeti, Nehas Sopaj, Burhanedin Xhemaili, Ismail Ganiu, Sunaj Raimi, Arben Ibrahimi, Selajdin Shabani dhe Sevdail Demiri. Mirënjohje u ndan për shkrimtarët Mumin Zeqiri, Nehat Jahiu, Zejnure Salihu, Hajrullah Misini, dhe të tjerë me tyre afaristë, intelektualë kumanovarë dhe media që ndër vite ndihmuan në zhvillimin dhe afirmimin e Klubit.
Poetët pjesëmarrës në Orën e madhe letrare ishin emra të çmuar të letrave shqipe, si: Flora Brovina, Mexhit Mehmeti, Ejup Ajdini, Bilall Maliqi, Alketa Spahiu, Nexhat Rexha, Enkelejda Mitrollari, Ismail Baftjari, Nexhat Çoçaj, Arben Rashkaj, Sinan Sadiku, Gerta Bandilli, Gurali Spahillari, Istref Haxhilleri, Arben Ibrahimi, Daim Ilazi, Adem Abdullahu, Selvete Abdullahu, Hysen Kqiku, Xhemë Karadaku, Sulejman Mehazi, Bajramali Selimi, Shefqete Gosalci, Begzad Rrahmani, Avni Shaqiri, Rexhep Abazi, Selajdin Shabani, Sunaj Raimi, Mejrem Kajolli-Tusha, Bajram Ramadani, Hysen Kqiku, Arsim Halili, Ali Qerimi, etj.
Manifestimin e nderuan me fjalë përshëndetëse ministri i Administratës Publike dhe Shoqërisë Informatike Admirim Haliti, kryetari i Komunës së Kumanovës Maksim Dimitriveski, kryetarja e Klubit të Shkrimtarëve “Oeneum” nga Tetova Behare Neziri, kryetari i Klubit letrar “Bota e Re” nga Korça Eris Rusi, nga Klubi letrar “Beqir Musliu” i Gjilanit dhe “Nositi” nga Kamenica – poeti Nexhat Rexha, dhe nga klubi letrar i Prizrenit – Nexhat Çoçaj. Manifestimi i sivjetshëm u mbështet nga Komuna e Kumanovës, dhe pjesërisht nga Komuna e Çairit, e Likovës, e Gostivarit dhe afaristë vendor.
Gjatë manifestimit u shfaq edhe dokumentari i përgatitur nga gazetari Nexhat Aqifi kushtuar veprimtarisë 30-vjeçare të këtij klubi.
Për pjesën muzikore – artistike u kujdes Jehona Shaqiri, ndërsa manifestimi u moderua nga aktori e poeti Ali Qerimi.
Lexo më shumë Share

Censorët në tentim ta minojnë traditën 30-vjeçare të “Takimeve Poetike të Karadakut”

Drejtuar: -Ministrisë së Kulturës së RMV – Shkup -Mediave Lënda: REAGIM   Censorët në tentim ta minojnë traditën 30-vjeçare të “Takimeve Poetike të Karadakut”   Klubi i Shkrimtarëve “Jehona e Karadakut” – Kumanovë, reagon ashpër ndaj vendimit skandaloz të komisionit të letërsisë dhe veprimtarisë botuese të Konkursit vjetor të Ministrisë së Kulturës për vitin 2022. Censorëve […]

Drejtuar:

-Ministrisë së Kulturës së RMV – Shkup

-Mediave

Lënda: REAGIM

 

Censorët tentim ta minojnë traditën 30-vjeçare të “Takimeve Poetike të Karadakut”

 

Klubi i Shkrimtarëve “Jehona e Karadakut” – Kumanovë, reagon ashpër ndaj vendimit skandaloz të komisionit të letërsisë dhe veprimtarisë botuese të Konkursit vjetor të Ministrisë së Kulturës për vitin 2022.

Censorëve antishqiptar në këtë ministri, ua përkujtojmë se Klubi i Shkrimtarëve “Jehona e Karadakut” – Kumanovë, është ndër shoqatat e para joqeveritare kulturore shqiptare në Maqedoni, e cila sivjet shënon 30-vjetorin e themelimit! Dhe, në vend se ky përvjetor i rëndësishëm të shënohet në mënyrë sa më dinjitoze, censorët e kanë larguar nga programi manifestimin tonë tradicional letrar, i cili qe 30 vjet me radhë nuk është ndaluar, edhe në kohët më të këqija – “Takimet Poetike të Karadakut”, si i vetmi manifestim mbarëkombëtar që mbahet tradicionalisht në datën e shenjtë për shqiptarët, çdo 11 Mars!

Poashtu, janë anashkaluar edhe dy projekte botuese, mjaft të rëndësishme të letërsisë, siç janë monografia kushtuar 30-vjetorit të Klubit tonë, si dhe përmbledhja poetike e autorit të njohur Sunaj Raimi.

Për fat të keq, ky konkurs ishte përplot emra autorësh anonimë, me shoqata fantome pa kurrfarë bagazhi artistik, me libra, revista e manifestime letrare fare të padëshmuara në botën artit dhe kulturës.

Me këtë rast, e vlerësojmë aktin e njërit anëtar të komisionit që nuk e ka nënshkruar këtë program, meqë zatën një dorë shqiptare nuk mund të nënshkruajë një program të tillë nënçmues.

Kërkojmë urgjentisht nga Ministria e Kulturës që revidohet ky program vjetor bashkë me komisionin jokompetent të letërsisë dhe veprimtarisë botuese, edhe për faktin se ka indikacione të qarta se në ato vendime ka konflikt interesi të të paktën dy anëtarëve të komisionit (kryetares dhe një anëtareje), të cilat kanë ndarë miliona denarë për punëdhënësin e tyre.

Njëherit, censorëve ua bëjmë me dije, se pavarësisht vendimeve të tyre arbitrare, “Takimet Poetike të Karadakut” do të mbahet edhe sivjet dhe njëmijë vjet të tjera, pavarësisht tekave dhe tendencave të tyre dashakeqe.

 

Kryetar

Dr. Fatos Rushiti

 

Më 18.02.2022, Kumanovë

 


 

До:

-Министерстово за култура на РСМ

-Медиумите

 

Предмет: РЕАКЦИЈА

 

Цензорите со обид да ја поткопаат 30-годишната традицијата на
„Карадачки поетски средби“

 

Клубот на писателите „Јехона е Карадакут“ од Куманово, остро реагира на скандалозната одлука на комисијата за литература и издавачка дејност на годишниот Конкурс на Министерството за култура за 2022 година.

Ги потсетуваме антиалбанските цензори дека Клубот на писателите „Јехона е Карадак“ – Куманово, е едно од првите албански невладини културни здруженија во Македонија, кое годинава одбележува 30 години од основањето! И, наместо на најдостоинствен можен начин да се одбележи оваа значајна годишнина, цензорите ја тргнаа од програмата нашата традиционална книжевна манифестација, која 30 години не е прекината, ниту во најлошите времиња – „Поетски карадачки средби“, како единствената сенародна манифестација што традиционално се одржува на светиот датум за Албанците, секој 11 март!

Исто така, занемарени се и два многу значајни издавачки проекти на литературата, како што е монографијата посветена на 30-годишнината од нашиот клуб, како и поетската збирка на познатиот автор Сунај Раими.

За жал, овој конкурс изобилуваше со имиња на анонимни автори, со фантомски здруженија без никаков уметнички багаж, со книги, списанија и книжевни манифестации целосно недокажани во културно-уметничкиот свет.

Во оваа прилика го цениме чинот на член во комисијата кој не ја потпиша оваа програма, бидејќи албанска рака не може да потпише таква понижувачка програма.

Бараме од Министерството за култура итно да ја ревидира оваа годишна програма заедно со ненадлежната комисија за литература и издавачка дејност, и поради тоа што има јасни индиции дека во тие одлуки има судир на интереси на најмалку двајца членови на комисијата (претседател и еден член), кои споделија милионски суми за за нивниот работодавец.

Воедно, ги известуваме цензорите дека и покрај нивните арбитрарни одлуки, „Карадачките поетски средби“ ќе се одржуваат и оваа година и уште илјади наредни години и покрај нивните злонамерни хирови и тенденции.

 

Претседател

Д-р Фатос Рушити

 

На 18.02.2022 година,

Куманово

 

Censorët në tentim ta minojnë traditën 30-vjeçare të  “Takimeve Poetike të Karadakut”

 

Lexo më shumë Share

BURHANEDIN XHEMAILI: “Në ëndërr” (vendi i parë)

BURHANEDIN XHEMAILI   Në ëndërr   Në natën e gjatë e të heshtur, kur gjumi është vdekje e vdekja gjumë, në ëndërr e pashë zjarrin e zgjuar mbi bregun e zhgënjimit duke i trembur fluturat e larme në largim, e duke i djegur ujqit e pangopshëm në dëfrim, e s’më besohej se po e shihja […]

BURHANEDIN XHEMAILI

 

Në ëndërr

 

Në natën e gjatë

e të heshtur,

kur gjumi është vdekje

e vdekja gjumë,

në ëndërr e pashë zjarrin e zgjuar

mbi bregun e zhgënjimit

duke i trembur fluturat e larme

në largim,

e duke i djegur ujqit e pangopshëm

në dëfrim,

e s’më besohej

se po e shihja këtë ëndërr të vonuar

dhe këtë zjarr të zgjuar,

për shkak të besimit të verbër

në kodet e ngatërruara

nga referencat e gabuara…

 

(Poezia e shpërblyer me vendin e parë të Çmimit “Fadil Bekteshi”, në manifestimin letrar “Takimet Poetike të Karadakut” në Kumanovë, më 11 mars 2021)

Lexo më shumë Share

EJUP AJDINI: “Lot gjaku nën dritën e hënës” (vendi i dytë)

EJUP AJDINI   Lot gjaku nën dritën e hënës   Kam dhimbë për heroi im, si vëllai për vëllanë Një natë u lave me gjak nën dritën e hënës dasma e jote atë botë bëri jehonë e kushtrimit bishën e madhe e fitove, patjetër e munde përballë vetëm hëna t’i pa plagët tua  e të […]

EJUP AJDINI

 

Lot gjaku nën dritën e hënës

 

Kam dhimbë për heroi im, si vëllai për vëllanë

Një natë u lave me gjak nën dritën e hënës

dasma e jote atë botë bëri jehonë e kushtrimit

bishën e madhe e fitove, patjetër e munde përballë

vetëm hëna t’i pa plagët tua  e të shokëve me radhë

nëna mbeti me  lotgjaku nën dritën  me hënë.

 

Gjigantët vriten me plumba të pabesë

jo nga bisha e madhe, por nga fisi pa farë

sot njëri vritet me të qeshur, tjetri me fjalë

kështu ne u tradhtuam keqas mes veti

dhe u vramë, u vramë vëllai me vëllanë

nëna mbetet me lotgjaku nën dritën me hënë.

 

Kam frikë nga mallkimi i nënës së dëshmorit

që lotët për ty Hero i ruan në vellon e bardhë…

mallkimi i saj është i rëndë sa një mal i lartë

ajo s’ka armë ta përzë këtë re të dendur e të rëndë

ruana Zot mos të na prek ndonjë ofshamë e nënës

kur ajo derdhën lotët me gjak nën dritën e hënës.

 

Më tremb edhe vaji i foshnjës kur qanë

kur rënkon për pak qumësht të ngrohtë

heroin e vet e ka të mëltuar nën dhe

mu për këtë, në lumin e gjatë nëpër mote

kambanat s’u heshtën, të “ lodhura”  i zinte nata

bashkë me lotët e nënës derdhur nën dritën me hënë.

 

Kalimtar të heshtur s’guxojmë të mbetemi,

edhe një shekull të na dëgjohen vetëm psherëtima

katarzëz sime nuk i duhen gota me helm nga bota

as urrejtje, që s’kemi ditur sa jemi urryer

dashni na duhet, s’kemi ditur sa jemi dashur pranë nënës

të pathara mbeten lotët e sajë nën dritën e hënës.

 

Ende nuk do të thahen lotët e përgjakura të nënës…

s’jetohet vetëm me gjysmë lire dhe me gjysmën e hënës.

na ruaj Zot nga mallkimi i foshnjës dhe loti me gjak i nanës

atdheu ka një shtrat, ku të gjalla lotët përplasen me mërzinë

me shekuj jetojmë bashkë duke kërkuar yjet nëpër terrin e natës

derisa të ndalet rënkimi i foshnjës dhe loti me gjak i nënës.

 

(Poezia e shpërblyer me vendin e dytë të Çmimit “Fadil Bekteshi”, në manifestimin letrar “Takimet Poetike të Karadakut” në Kumanovë, më 11 mars 2021)

 

 

Lexo më shumë Share

LEONORA BRUÇAJ – KEKA: “Vitor i andrrës t’eme” (vendi i tretë)

LEONORA BRUÇAJ – KEKA   Vitor i andrrës t’eme   Ambëlsisht do t’puthemi si fëmij’ Dashunia do t’metet n’ledhatim t’flokëve tona Do t’mbaj n’mend si yll i mbramjes pa mbarim   Si diellin veror q’i përcllon’ Si detin e rrëmbyem q’i merr jetna matanë   Do t’ mbaj mend si qiellin q’i mban fshehtësitë e […]

LEONORA BRUÇAJ – KEKA

 

Vitor i andrrës t’eme

 

Ambëlsisht do t’puthemi si fëmij’

Dashunia do t’metet n’ledhatim t’flokëve tona

Do t’mbaj n’mend si yll i mbramjes pa mbarim

 

Si diellin veror q’i përcllon’

Si detin e rrëmbyem q’i merr jetna matanë

 

Do t’ mbaj mend si qiellin q’i mban fshehtësitë e botës për vete

Do t’mbaj mend si natën,

si natën e egër q’i pret ta gëlltisë dikë, por vdes urie

 

Do t’mbaj mend si dimnin e acartë në shpirtin e stinës

Do t’mbaj mend si dhimbjen e nanës për fëmiun

 

Do t’mbaj mend si trishtimin pas humbjes së nji dashunie

 

Po kurrë s’do t’mbaj mend si yll në qiellin t’em

As si lule n’kopshtin t’em

As si figurë n’vargun t’em

As si pikëllim n’kujtimet e mia

 

S’do t’mbaj mend gjatë, se ti ike…

Ike… bashkë me trishtimin e humbjes

Dhe ty kurrë s’do t’mbaj mend për dashunit’ e rrëfyeme

 

Nji dit’ do t’kujtoj se si ikin njerëzit nga kjo botë e egër

Duke mos ditur kurrë ç’është dashunia.

 

 

(Poezia e shpërblyer me vendin e tretë të Çmimit “Fadil Bekteshi”, në manifestimin letrar “Takimet Poetike të Karadakut” në Kumanovë, më 11 mars 2021)

 

Lexo më shumë Share

KSh “JEHONA E KARADAKUT”, u nderua me çmimin GRAND PRIX – THE BEST

Klubi i Shkrimtarëve “JEHONA E KARADAKUT” – Kumanovë, në një spektakël të veçantë të zhvilluar në RTV21 në Prishtinë, u nderua me çmimin e madh GRAND PRIX – THE BEST, në edicionin e tretë të këtij manifestimi të organizuar nga TV21 – Maqedoni për vitin 2020. Ky çmim u nda për kontributin e dhënë afër […]
Klubi i Shkrimtarëve “JEHONA E KARADAKUT” – Kumanovë, në një spektakël të veçantë të zhvilluar në RTV21 në Prishtinë, u nderua me çmimin e madh GRAND PRIX – THE BEST, në edicionin e tretë të këtij manifestimi të organizuar nga TV21 – Maqedoni për vitin 2020.
Ky çmim u nda për kontributin e dhënë afër tri dekada të këtij klubi në fushën e letërsisë dhe kulturës shqiptare. U veçua revista e parë e pavarur shqiptare në Maqedoni për letërsi, shkencë dhe kulturë DORUNTINA, si dhe manifestimi tradicional TAKIMET POETIKE TË KARADAKUT, të cilat vazhdojnë të jenë aktive dhe aktuale pandërprerë.
Në emër të Klubit, çmimin e pranoi kryetari Fatos Rushiti.
Faleminderit për mirënjohjen dhe respektin RTV21 dhe audiencës së gjerë!
Lexo më shumë Share

Rezultatet e konkursit të “PENA IME – 2020” (fotografi & tregim)

Të nderuar artdashës dhe pjesëmarrës, Drejtoria e manifestimit interdiciplinar “Pena ime”, në kuadër të Klubit të Shkrimtarëve “Jehona e Karadakut” – Kumanovë, ju njofton se thirrjes së konkursit publik në artin e fotografisë dhe tregimit të shkurtër në edicionin e tretë të këtij manifestimi, iu përgjigjën një numër i konsiderueshëm i konkurrentëve të rinj të […]

Të nderuar artdashës dhe pjesëmarrës,

Drejtoria e manifestimit interdiciplinar “Pena ime”, në kuadër të Klubit të Shkrimtarëve “Jehona e Karadakut” – Kumanovë, ju njofton se thirrjes së konkursit publik në artin e fotografisë dhe tregimit të shkurtër në edicionin e tretë të këtij manifestimi, iu përgjigjën një numër i konsiderueshëm i konkurrentëve të rinj të moshës 18 deri në 33 vjeçare, nga shumë vise shqiptare.

Për shkak të rrethanave specifike me pandeminë, sivjet ky manifestim u realizua në mënyrë elektronike.

Në lëmin e fotografisë artistike, kishte një mori konkurrentësh të cilët me invencionin e tyre paraqisnin realitete të ndryshme objektive dhe imagjinare. Juria profesionale në përbërje: Burhan Ameti, Ilhan Osmani dhe Dali Alili, bëri vlerësimin e çmimeve “Pena e Artë” – për fotografi artistike:

  1. Vendi i parë: Agon Ymeri nga Kumanova, për fotografinë me titull “Hypnotic Rythem”;
  2. Vendi i dytë: Sovran Nrecaj nga Sarajeva, për fotografinë “Up and Up”;
  3. Vendi i tretë: Vigan Demiri nga Gostivari, për fotografinë “Maximum Protection”.

Në lëmin e tregimit, juria në përbërje nga shkrimtarët: Petrit Palushi, Burhanedin Xhemaili dhe Istref Haxhillari, pas leximit dhe shqyrtimit me kujdes të të gjitha tregimeve të arritura, bëri këtë vlerësim për tregimin më të mirë:

  1. Vendi i parë: Xheni Shehaj nga Tirana, për tregimin “Muri”;
  2. Vendi i dytë: Trëndelina Omuri nga Kukësi, për tregimin “Moçali i pendesës”;
  3. Vendi i tretë: Llausha Zenuni nga Kumanova, për tregimin “Përshëndetje Lejla”.

Drejtoria e manifestimit interdiciplinar “Pena ime”, i falënderon të gjithë pjesëmarrësit, të cilët ishin në nivelin e duhur të krijimtarisë, duke i inkurajuar që të vazhdojnë edhe më tej përsosjen e tyre artistike në sferat përkatëse.

 

Me respekt të veçantë,

 

Fatos RUSHITI, drejtor

Kumanovë, 20.12.2020

 

Lexo më shumë Share

Autorët kumanovarë prezantohen në Stamboll të Turqisë

Stamboll, 3.12.2020 – Në Stamboll të Turqisë, përkatësisht në Qendrën Kulturore të Maqedonisë së Veriut që gjendet në këtë metropol botërore, Klubi i Shkrimtarëve “Jehona e Karadakut” nga Kumanova, prezantoi botimet e tij të fundit, në përputhje me protokollet e pandemisë. Ngjarja u hap nga drejtori i Qendrës, Ramadan Ramadani, i cili theksoi rëndësinë e […]

Stamboll, 3.12.2020 Në Stamboll të Turqisë, përkatësisht në Qendrën Kulturore të Maqedonisë së Veriut që gjendet në këtë metropol botërore, Klubi i Shkrimtarëve “Jehona e Karadakut” nga Kumanova, prezantoi botimet e tij të fundit, në përputhje me protokollet e pandemisë.

Ngjarja u hap nga drejtori i Qendrës, Ramadan Ramadani, i cili theksoi rëndësinë e veprimtarisë së pandërprerë të këtij klubi në fushën e letërsisë për gati tri dekada. Bartësi i projektit, Sevdail Demiri, foli për botimet e fundit të klubit, dhe në veçanti për përmbledhjen e poezisë kumanovare “Kulla jonë”, e cila promovimin e parë po e përjeton pikërisht në Stamboll.

Kryetari i klubit, Fatos Rushiti, u ndal në veprimtarinë e klubit, i cili përpos botimeve, shquhet edhe për nga kontinuiteti i “Takimeve Poetike të Karadakut”, dhe revistës “Doruntina”. Për botimet e tyre të fundit dhe rëndësinë e promovimit të tyre jashtë vendit, folën edhe autorët Sunaj Raimi dhe Selajdin Shabani.

Në promovim morën pjesë konsulli i përgjithshëm i Maqedonisë së Veriut në Stamboll, Aktan Ago, profesorë nga Universiteti i Stambollit, aktivistë e bashkatdhetarë tanë që jetojnë në Turqi, etj.

Ndërsa, promotorët i ndanë mirënjohje për bashkëpunim, Ramadan Ramadanit – drejtor i QK në Stamboll, dhe gazetares Linda Guler – udhëheqëse e radios “Zëri i Shqiptarëve” në Turqi.

Të gjitha botimet e fundit të klubit, iu dhuruan Qendrës Kulturore të Maqedonisë së Veriut në Stamboll, e cila së shpejti do të hapë edhe bibliotekën e saj. Projekti “Letërsia jonë në mesin e bashkatdhetarëve”, ishte pjesë e programit vjetor të projekteve të Ministrisë së Kulturës për vitin 2020.

Lexo më shumë Share

Konkurs për pjesëmarrje në edicionin e tretë të manifestimit “PENA IME – 2020”

K O N K U R S për pjesëmarrje në edicionin e tretë të manifestimit “PENA IME – 2020” Klubi i Shkrimtarëve “Jehona e Karadakut”– Kumanovë, fton të rinjtë e interesuar nga mosha 18 deri në 33 vjeçare, nga të gjitha trojet shqiptare, që të marrin pjesë në edicionin e tretë të manifestimit interdisiplinar “PENA […]


K O N K U R S
për pjesëmarrje në edicionin e tretë të manifestimit
“PENA IME – 2020”

Klubi i Shkrimtarëve “Jehona e Karadakut”– Kumanovë, fton të rinjtë e interesuar nga mosha 18 deri në 33 vjeçare, nga të gjitha trojet shqiptare, që të marrin pjesë në edicionin e tretë të manifestimit interdisiplinar “PENA IME – 2020” – festival i profilizuar për art figurativ, letrar dhe muzikor, që do të mbahet online me datë 20 dhjetor të këtij viti.

Për shkak të rrethanave specifike me pandeminë, sivjet konkursi do të përfshijë vetëm lëmin e artit figurativ dhe atij letrar, gjegjësisht fokusi do të jetë tek fotografia  dhe tregimi.

Pena e Artë për fotografi artistike:

  1. Vendi i parë (Plaketë dhe të holla)
  2. Vendi i dytë (Plaketë)
  3. Vendi i tretë (Plaketë)

Pena e Artë për tregimin më të mirë:

  1. Vendi i parë (Plaketë dhe të holla)
  2. Vendi i dytë (Plaketë)
  3. Vendi i tretë (Plaketë)

-Kriteret për fotografinë artistike:

  1. Konkursi është i hapur për të gjithë fotografët profesionistë dhe të pasionuarit e fotografisë;
  2. Fotot mund te jenë me ngjyrë ose bardh e zi;
  3. Çdo pjesëmarrës mund të aplikojë në maksimum me 2 foto;
  4. Fotot duhet të kenë rezolucionin 300 dpi, në cilësinë më të lartë në formatin JPEG;
  5. Fotot nuk duhet të posedojnë ndërhyrje te fotoshopit apo ndonjë programi tjetër:
  6. Çdo fotograf do të merr konfirmim për pranimin e fotove si aplikim, ndërsa do të lajmërohen vetëm ata që do të pranohen për Ekspozitë/Konkurs;
  7. Fotografitë e dërguara duhet të kenë të titull;
  8. Punimet dërgohen në e-mail: jekaradakut@yaho.com deri më 15.12.2020.

-Kriteret për tregim:

  1. Tema është e lirë;
  2. Tregimet mund të përmbajnë 300 deri në 3000 karaktere.

Për informacione shtesë në lëmin e fotografisë: tel. 071723272 (Muhamedali Alili). ndërsa për tregimin: tel. 071260841 (Fatos Rushiti).

Me respekt të veçantë,

Fatos RUSHITI, drejtor

Lexo më shumë Share