Kategori: Artikuj

KSh “JEHONA E KARADAKUT”, u nderua me çmimin GRAND PRIX – THE BEST

Klubi i Shkrimtarëve “JEHONA E KARADAKUT” – Kumanovë, në një spektakël të veçantë të zhvilluar në RTV21 në Prishtinë, u nderua me çmimin e madh GRAND PRIX – THE BEST, në edicionin e tretë të këtij manifestimi të organizuar nga TV21 – Maqedoni për vitin 2020. Ky çmim u nda për kontributin e dhënë afër […]
Klubi i Shkrimtarëve “JEHONA E KARADAKUT” – Kumanovë, në një spektakël të veçantë të zhvilluar në RTV21 në Prishtinë, u nderua me çmimin e madh GRAND PRIX – THE BEST, në edicionin e tretë të këtij manifestimi të organizuar nga TV21 – Maqedoni për vitin 2020.
Ky çmim u nda për kontributin e dhënë afër tri dekada të këtij klubi në fushën e letërsisë dhe kulturës shqiptare. U veçua revista e parë e pavarur shqiptare në Maqedoni për letërsi, shkencë dhe kulturë DORUNTINA, si dhe manifestimi tradicional TAKIMET POETIKE TË KARADAKUT, të cilat vazhdojnë të jenë aktive dhe aktuale pandërprerë.
Në emër të Klubit, çmimin e pranoi kryetari Fatos Rushiti.
Faleminderit për mirënjohjen dhe respektin RTV21 dhe audiencës së gjerë!
Lexo më shumë Share

Rezultatet e konkursit të “PENA IME – 2020” (fotografi & tregim)

Të nderuar artdashës dhe pjesëmarrës, Drejtoria e manifestimit interdiciplinar “Pena ime”, në kuadër të Klubit të Shkrimtarëve “Jehona e Karadakut” – Kumanovë, ju njofton se thirrjes së konkursit publik në artin e fotografisë dhe tregimit të shkurtër në edicionin e tretë të këtij manifestimi, iu përgjigjën një numër i konsiderueshëm i konkurrentëve të rinj të […]

Të nderuar artdashës dhe pjesëmarrës,

Drejtoria e manifestimit interdiciplinar “Pena ime”, në kuadër të Klubit të Shkrimtarëve “Jehona e Karadakut” – Kumanovë, ju njofton se thirrjes së konkursit publik në artin e fotografisë dhe tregimit të shkurtër në edicionin e tretë të këtij manifestimi, iu përgjigjën një numër i konsiderueshëm i konkurrentëve të rinj të moshës 18 deri në 33 vjeçare, nga shumë vise shqiptare.

Për shkak të rrethanave specifike me pandeminë, sivjet ky manifestim u realizua në mënyrë elektronike.

Në lëmin e fotografisë artistike, kishte një mori konkurrentësh të cilët me invencionin e tyre paraqisnin realitete të ndryshme objektive dhe imagjinare. Juria profesionale në përbërje: Burhan Ameti, Ilhan Osmani dhe Dali Alili, bëri vlerësimin e çmimeve “Pena e Artë” – për fotografi artistike:

  1. Vendi i parë: Agon Ymeri nga Kumanova, për fotografinë me titull “Hypnotic Rythem”;
  2. Vendi i dytë: Sovran Nrecaj nga Sarajeva, për fotografinë “Up and Up”;
  3. Vendi i tretë: Vigan Demiri nga Gostivari, për fotografinë “Maximum Protection”.

Në lëmin e tregimit, juria në përbërje nga shkrimtarët: Petrit Palushi, Burhanedin Xhemaili dhe Istref Haxhillari, pas leximit dhe shqyrtimit me kujdes të të gjitha tregimeve të arritura, bëri këtë vlerësim për tregimin më të mirë:

  1. Vendi i parë: Xheni Shehaj nga Tirana, për tregimin “Muri”;
  2. Vendi i dytë: Trëndelina Omuri nga Kukësi, për tregimin “Moçali i pendesës”;
  3. Vendi i tretë: Llausha Zenuni nga Kumanova, për tregimin “Përshëndetje Lejla”.

Drejtoria e manifestimit interdiciplinar “Pena ime”, i falënderon të gjithë pjesëmarrësit, të cilët ishin në nivelin e duhur të krijimtarisë, duke i inkurajuar që të vazhdojnë edhe më tej përsosjen e tyre artistike në sferat përkatëse.

 

Me respekt të veçantë,

 

Fatos RUSHITI, drejtor

Kumanovë, 20.12.2020

 

Lexo më shumë Share

Letërsia kumanovare prezantohet në Korçën poetike

Të premten (25 shtator 2020), në Korçë të Shqipërisë, pranë Fakultetit të Edukimit dhe Filologjisë të Universitetit “Fan S. Noli”, në bashkëpunim me Klubin e Shkrimtarëve “Bota e Re”, u bë prezantimi i katër profileve letrare të autorëve nga Kumanova, Fatos Rushiti, Sunaj Raimi, Sevdail Demiri dhe Selajdin Shabani. Në një ambient të hapur, para […]

Të premten (25 shtator 2020), në Korçë të Shqipërisë, pranë Fakultetit të Edukimit dhe Filologjisë të Universitetit “Fan S. Noli”, në bashkëpunim me Klubin e Shkrimtarëve “Bota e Re”, u bë prezantimi i katër profileve letrare të autorëve nga Kumanova, Fatos Rushiti, Sunaj Raimi, Sevdail Demiri dhe Selajdin Shabani.

Në një ambient të hapur, para studentëve të letërsisë, pedagogëve, rektorit Prof.Dr. Dhimitri Bello, shkrimtarëve nga Korça, Pogradeci dhe Elbasani, dhe shumë dashamirëve tjerë, poezitë e autorëve kumanovarë u lexuan nga aktorët e njohur shqiptar, si Klaudeta dhe Petrika Riza, poetet Gerta Bandilli  dhe Katerina Çifligu, si dhe nga studentë të letërisë.

Një potencial poetik dhe një shkollë në vete letrare, kështu u cilësua krijimtaria poetike e poetëve kumanovarë nga dekania e Fakultetit të Edukimit e Filologjisë, studiuesja e njohur, Prof. Dr. Jonela Spaho.

“Të lexoja librin me poezi dashurie të titulluar “Kurorë” të z. Fatos Rushiti dhe jam befasuar nga potenciali poetik i jashtëzakonshëm, nga shprehësia emocionale dhe lirshmëria me të cilën çelet shpirti poetik në këtë poezi. Dhe padyshim që për poetët tanë në Korçë dhe më gjerë poezia e këtyre poetëve është një shkollë në vete letrare, dhe më vjen mirë që ky aktivitet sot bëhet jo vetëm para drejtuesve të Universitetit por dhe pedagogëve, para shkrimtarëve të Klubit “Bota e Re” dhe studentëve të letërsisë të cilët do të kenë një dritare të re, një emocion të ri për këtë poezi kaq të mrekullueshme’, tha para të pranishmëve Dr. Spaho.

Nikoqiri tjetër i këtj aktiviteti, kryetari i Klubit të Shkrimtarëve “Bota e Re”, Prof. Dr. Eris Rusi, tha se njohja me poetët nga Kumanova është një njohje surprizuese që do të forcojë lidhjet e bashkëpunmit dhe komunikimit.

“Unë kam besimin që letërisa që po promovojmë sot është një letërsie që mund të konsiderohet si një lloj pasqyre ku ne e shohim të reflektuar njeriun në lirinë e tij, ku inati dhe mbetja janë të zëvendësuara me bekimet e një shqipe të embël dhe të pastër që e bëjnë interesante jetën e secilit prej nesh. Zemra që është e ushqyer me këtë lloj letërsie nuk është më e ngushtë dhe e kërrusur por afrohet dhe kërkon zemra të tjera”, tha mes tjerash Eris Rusi.

Nga ana tjetër kryetari i Klubit të Shkrimtarëve “Jehona e Karadakut” nga Kumanova, Dr. Fatos Rushiti, shfrytëzoi rastin që në kuadër të këtij aktiviteti letrar t’ia dorëzojë Plaketën për Çmimin e parë “Fadil Bekteshi”, poetit të njohur nga Shqipëria, Skënder Rusi, çmim ky i fituar në Manifestimit letrar “Takimet Poetike të Kardakut – 2020”. Para të publikut artëdashës korçar Fatos Rushiti tha se ne shqiptarët e kemi kaluar më fazën idealiste, fazën e dashurisë së atdhet dhe dashurisë ndaj njëri tjetrit.  Siç vuri theksin ai tani ësshtë koha për manifestime profesionale që do të vinin në pah vlerat tona krijuese si shqiptar para kombeve tjera.

Fatos Rushiti bëri të ditur dhe lidhjen e një marrëveshje bashkëpunimi mes dy klubeve, atij “Jehona e Karadakut” nga Kumanova dhe “Bota e Re” nga Korça.

“Letë të jetë kjo një uvertyrë, një premisë e një bashkpunumi mes dy klubeve që do të vazhdoj me aktivietete tjera të përbashkëta letrare, me botime dhe aktivitete tjera kulturore mes krijuesve të këtyre dy qyteteve ku jetojnë dhe frymojnë  shqiptarët”, tha Rushiti. Siç kumtuan drejtuesit e dy klubeve, në pranverë të vitit të ardhshëm para artdashësve në Maqedoni do të bëhet prezantimi i disa profileve letrare nga Korça.

Leximi i poezisë kumanovare u bë nën shoqërimin me kitarë të kantautorit nga Korça, Maksi Kulla, i cili interpretoi disa dhe disa këngë duke e berë atmosferën muzikore më të ngrohtë. Një shfaqje mbresëlënëse muzikore pati dhe poeti dhe profesori i njohur universitar, Sunaj Raimi, me disa nga hitet e këngës rok nga Kumanova.

Ndryshe poetet nga Kumanova bashkë me poetët korçar bënë një vizitë në vendbanimin mesjetar të Voskopojës dhe vizitë me miqtë poetë në qytetin e Pogradecit në shtatoret e poetëve të mëdhenj shqiptarë, Lazgush Poradeci dhe Mitrush Kuteli.

Lexo më shumë Share

“Kulla jonë”, një botim me vlerë në letërsinë shqiptare

Gusht 2020 – Klubi i Shkrimtarëve ”Jehona e Karadakut” nga Kumanova, doli me një botim të ri të rëndësishëm për letërsinë bashkëkohore dhe kulturën shqiptare në përgjithësi Maqedoninë e Veriut, me një panoramë të poezisë kumanovare shqipe të titulluar ”Kulla Jonë”, përgatitur nga Sevdail Demiri. Ai në rrjetin social fcb shkroi: “Jam jashtëzakonisht i lumtur […]

Gusht 2020 – Klubi i Shkrimtarëve ”Jehona e Karadakut” nga Kumanova, doli me një botim të ri të rëndësishëm për letërsinë bashkëkohore dhe kulturën shqiptare në përgjithësi Maqedoninë e Veriut, me një panoramë të poezisë kumanovare shqipe të titulluar ”Kulla Jonë”, përgatitur nga Sevdail Demiri.

Ai në rrjetin social fcb shkroi: “Jam jashtëzakonisht i lumtur që bashkë me kolegët e nderuar të redaksisë: Bejtush Memeti, Burhanedin Xhemaili, Selajdin Shabani (Lajdins Habani) dhe Fatos Rushiti, arritëm që t’i portretizojmë në një vend 48 autorë të kësaj ane, një pjesë e të cilëve janë poetë të njohur mbarëkombëtarë. Të gjithë janë prezantuar veç e veç me disa nga poezitë e tyre më të mira, bio-bibliografi dhe fotografi. Si i tillë, ky libër paraqet një letërnjofim letrar të kësaj treve periferike të botës shqiptare, i cili do të duhej të jetë pjesë e të gjitha bibliotekave tona, si një trashëgimi kulturore – letrare e cila do të duhet të përcillet tek gjeneratat e reja”.

Përmbledhja hapet me poetin e ndjerë Asllan Selmani për të vazhduar më pas me shumë emra të njohur të penës kumanovare, si i ndjeri Fadil Bekteshi, kryetar i parë dhe njëri ndër themeluesit e këtij klubi, pastaj Nehas Sopaj, Bejtush Mehmeti, Mumin Zeqiri, Avni Dehari, Burhanedin Xhemaili, Nehat Jahiu, Zejnure Salihu, Arben Ibrahimi, Selajdin Shabani, deri tek më të rinjtë Kreshnik Sopaj e Arta Selmani.

Libri ka 260 faqe, me një dizajnim të mrekullueshëm nga mjeshtri Bekim Saliu, dhe është i përkrahur nga Ministria e Kulturës e Republikës së Maqedonisë së Veriut.

Të interesuarit, librin në fjalë mund ta gjejnë në Librarinë ABC në Kumanovë: https://www.facebook.com/abclibraryfcb/

Lexo më shumë Share

Poeti korçar Skender Rusi, nderohet me Çmimin e Parë

Likovë, 21.6.2020  – Klubi i Shkrimtarëve “Jehona e Karadakut” nga Kumanova, në teren të hapur në amfiteatrin e Gjimnazit “Ismet Jashari” në Likovë, organizoi edicionin e 28-të me radhë të manifestimit tradicional kulturor-letrar “Takimet Poetike të Karadakut”.  Kryetari i Klubit, Fatos Rushiti, në fjalën e tij u shpreh se nuk janë pak plotë 28 vite […]

Likovë, 21.6.2020  – Klubi i Shkrimtarëve “Jehona e Karadakut” nga Kumanova, në teren të hapur në amfiteatrin e Gjimnazit “Ismet Jashari” në Likovë, organizoi edicionin e 28-të me radhë të manifestimit tradicional kulturor-letrar “Takimet Poetike të Karadakut”. 

Kryetari i Klubit, Fatos Rushiti, në fjalën e tij u shpreh se nuk janë pak plotë 28 vite që Klubi ynë me plot vullnet dhe dëshirë mbledh shumë poetë e poete anembanë trojeve shqiptare, duke i dhënë tradicionalitet, ndjeshmëri e shije të lartë estetike rrjedhës së këtij manifestimi. “Profesionalizmi, paanshmëria, mikpritja, vlerësimi adekuat, tingujt e pianos dhe kitarës, jehona e poezisë kumanovare ndër krijues të mirëfilltë shqiptarë, dhe jo vetëm, kanë bërë qe ky manifestim të merr vëmendjen e duhur nga vetë institucionet shtetërore në shtetin tonë dhe të përkrahet në vazhdimësi”, u shpreh Rushiti.

Në kujdesin e poetëve të rinj, Emra Bilalli dhe Arta Selmani, u lexuan artistikisht dhjetëra krijime letrare të poetëve nga mbarë hapësira shqiptare, si: Skënder Rusi (Korçë), Rakela Zoga (Selanik), Nexhat Çoçaj (Prizren), Behare Neziri (Tetovë), Sabit Rrustemi (Gjilan), Majlinda Toma (Lezhë), Farida Ramadani (Shkodër), Bilall Maliqi (Preshevë), Agim Bajrami (Durrës), Abdurrahman Thaçi (SHBA), Nijazi Ramadani (Gjilan), Ejup Ajdini (Tetovë), Arben Rashkaj (Prizren), Kujtim Morina (Tiranë), Berat Baftiu (Prizren), Arjan Kallço (Korçë), Sarë Gjergji (Viti), Liridona Shehu (Prishtinë), Eduard Konica (Athinë). Ndërsa, nga poetët vendas që ishin prezent, poezi lexuan: Burhanedin Xhemaili, Arben Ibrahimi, Sunaj Raimi, Ismail Ganiu, Nuri Rexhepi-Dana, Selajdin Shabani, Sevdail Demiri, Kreshnik Sopaj, Shpresa Jashari, Arta Selmani, Emra Bilalli,

Më pas juria në përbërje: Sunaj Raimi, Arben Ibrahimi dhe Selajdin Shabani, u përcaktuan për këto poezi më të mira, të cilat u nderuan me Çmimin “Fadil Bekteshi”. Vendi i parë i takoi poetit korçar Skender Rusi me poezinë “Ditë pa mëngjes”, vendi i dytë poetit kumanovar që jeton dhe vepron në SHBA, Abdurrahman Thaçi, për poezinë “Nga të shkoj”. Ndërsa, në çmimin e tretë u vlerësuan poeti gjilanas Nijazi Ramadani  për poezinë “Amaneti i nanës”, si dhe poeti kumanovar Kreshnik Sopaj për poezinë “Ana ime”.

Në pjesën tjetër të manifestimit, kryetari i Klubit të Shkrimtarëve “Jehona e Karadakut”, Fatos Rushiti, ndau disa plaketa, në shenjë mirënjohjeje e falënderimi për angazhimin dhe bashkëpunimin e suksesshëm. Plaketë iu nda ministrit të Kulturës, Hysni Ismaili, për mbështetjen e manifestimit; botuesit të gazetës kulturore-letrare  nga Tirana “Nacional”, Mujo Buçpapaj, për kontributin e tij në përkrahjen e autorëve nga Kumanova dhe mbarë hapësirën shqiptare në gazetën që drejton; drejtorit të Agjencisë së lajmeve INA, Naser Pajaziti, si dhe një plaketë e veçantë iu nda ish-kryetarit të Klubit, Sevdail Demiri, për kontributin e tij në udhëheqje për tetë vite me Klubin e Shkrimtarëve “Jehona e Kardakut” dhe për ndërtimin e urave të bashkëpunimit me klubet letrare në Preshevë, Gjilan, Viti dhe Tetovë. Një mirënjohje iu nda edhe Gjimnazit “Ismet Jashari” në Likovë, për bashkëpunimin shumë miqësor dhe korrekt në organizimin e këtij manifestimi.

Programi u përcoll nën tingujt e pianos së profesorit të muzikës, Eroll Ganiu, ndërsa të pranishmit patën rastin të marrin edhe botimin më të ri të Klubit, numrin 58 të revistës tradicionale kulturore “Doruntina”.

Manifestimi tradicional “Takimet Poetike të Karadakut”, mbahen për çdo 11 mars për nderë të kujtimit të demonstratave të ’81-shit të studentëve të Universitetit të Prishtinës. Mirëpo, edhe përkundër përgatitjeve me kohë, që ky manifestim të mbahej më 11 mars 2020, u shty për shkak të përkeqësimit të gjendjes epidemiologjike.

Manifestimi i përvitshëm “Takimet Poetike të Karadakut” u përkrah financiarisht nga Ministria e Kulturës e Republikës së Maqedonisë së Veriut, dhe pjesërisht edhe nga komunat e Likovës dhe Kumanovës.

Lexo më shumë Share

NJOFTIM: Më 21 qershor 2020, mbahen TAKIMET POETIKE TË KARADAKUT!

Edhe pse në rrethana specifike, manifestimi tradicional letrar TAKIMET POETIKE TË KARADAKUT, i 28-i me radhë, do të mbahet të dielën, më 21 qershor 2020, prej ora 15, në Likovë! Me gjithë dëshirën për të pasur pjesëmarrës dhe publikë më të zgjeruar, kësaj radhe jemi më të kufizuar, dhe ata dashamirë që do të vijnë […]

Edhe pse në rrethana specifike, manifestimi tradicional letrar TAKIMET POETIKE TË KARADAKUT, i 28-i me radhë, do të mbahet të dielën, më 21 qershor 2020, prej ora 15, në Likovë!

Me gjithë dëshirën për të pasur pjesëmarrës dhe publikë më të zgjeruar, kësaj radhe jemi më të kufizuar, dhe ata dashamirë që do të vijnë në manifestim, luten që t’u përmbahen protokolleve të caktuara nga Ministria e Shëndetësisë!

Na priftë e mbara….

Lexo më shumë Share

Njoftim për poetët kumanovarë

Të nderuar autorë, Klubi i Shkrimtarëve “Jehona e Karadakut” – Kumanovë, sivjet ka ndërmarrë një iniciativë për botimin e një përmbledhjeje të poezisë kumanovare shqipe (e titulluar “Kulla jonë”), e cila do të mbetet si një letërnjoftim i krijimtarisë letrare të kësaj treve shqiptare. Në këtë përmbledhje të veçantë poetike, do të radhiten të gjithë […]

Të nderuar autorë,

Klubi i Shkrimtarëve “Jehona e Karadakut” – Kumanovë, sivjet ka ndërmarrë një iniciativë për botimin e një përmbledhjeje të poezisë kumanovare shqipe (e titulluar “Kulla jonë”), e cila do të mbetet si një letërnjoftim i krijimtarisë letrare të kësaj treve shqiptare.

Në këtë përmbledhje të veçantë poetike, do të radhiten të gjithë emrat e njohur të letrave shqipe të trevës së Kumanovës (sot komunat e Kumanovës e Likovës) që kanë krijuar nëpër kohë, deri në ditët e sotme. Më konkretisht, synohet të prezantohen të gjithë poetët e kësaj treve të cilët deri më tani kanë botuar të paktën një libër me poezi.

Çdo poet do të prezantohet me disa poezi të përzgjedhura (të botuara apo të pabotuara), dhe në fund të tyre do të jepet nga një biografi – bibliografi e shkurtër me fotografi të autorit.

Prandaj, luten të gjithë autorët kumanovarë, që të na i dërgojnë nga 7 deri 10 poezi (me bio-bibliografi e fotografi), në mënyrë që pastaj redaksia të ketë mundësi të bëjë një përzgjedhje solide nga 3 deri 5 poezi (varësisht nga gjatësia e tyre). 

Ju lutemi që materialet t’i dërgoni në formë elektronike në këtë e-mail: jekaradakut@yahoo.com më së voni deri më 10 maj 2020.

Ju faleminderit për bashkëpunimin!

 

Lexo më shumë Share

Fatos Rushiti, kryetar i ri i Klubit të Shkrimtarëve të Kumanovës

Kumanovë, 2.2.2020  – Klubi i Shkrimtarëve “Jehona e Karadakut” nga Kumanova, sot në lokalet e Shkollës Fillore “Naim Frashëri” në Kumanovë, mbajti Kuvendin e 6-të zgjedhor. Fillimisht, kryetari i deritashëm, Sevdail Demiri, paraqiti raport për punën katërvjeçare, duke theksuar se gjatë kësaj periudhe është ruajtur me përpikëri kontinuiteti i veprimit të Klubit, si dhe imazhi […]

Kumanovë, 2.2.2020  – Klubi i Shkrimtarëve “Jehona e Karadakut” nga Kumanova, sot në lokalet e Shkollës Fillore “Naim Frashëri” në Kumanovë, mbajti Kuvendin e 6-të zgjedhor.

Fillimisht, kryetari i deritashëm, Sevdail Demiri, paraqiti raport për punën katërvjeçare, duke theksuar se gjatë kësaj periudhe është ruajtur me përpikëri kontinuiteti i veprimit të Klubit, si dhe imazhi pozitiv i krijuar nga të gjithë anëtarët i tij në gati tri dekada me radhë. Janë mbajtur të gjitha edicionet e manifestimit tradicional “Takimet Poetike të Karadakut”, në çdo 11 mars, shoqëruar me aktivitete përcjellëse (tribuna tematike, promovime librash, vizita), ku kanë marrë pjesë emra të njohur të letërsisë shqipe nga të gjitha trevat shqiptare, dhe janë shpërblyer poetët më të mirë me çmimin “Fadil Bekteshi”.

Në fushën e veprimtarisë botuese, nën siglën e Klubit janë realizuar gjithsej 12 botime (8 libra dhe 4 numra të revistës “Doruntina”), të financuara kryesisht nga Ministria e Kulturës.

Më tej, Demiri theksoi se kemi pasur bashkëpunim të shkëlqyer me klubet simotra nga Gjilani, Vitia e Presheva, si dhe me shkrimtarë tjerë nga Maqedonia e Veriut, Kosova e Shqipëria, duke marrë pjesë në manifestimet e tyre, si dhe ata duke qenë pjesë e aktiviteteve tona. Në qershor të vitit 2018, e nisëm një aktivitet të ri të klubit, poashtu tradicional – manifestimi kulturor interdiciplinar për të rinj “Pena ime”, ku gërshetohen arti letrar, muzikor dhe ai figurativ.

Pas miratimit të raportit të punës së kryetarit Demiri, u kalua në pikën tjetër – zgjedhja e kryesisë së re të klubit. Pas një diskutimi konstruktiv nga të gjithë kuvendarët, u vendos që kryetar i ri i Klubit të Shkrimtarëve “Jehona e Karadakut” nga Kumanova, të zgjidhet poeti Fatos Rushiti – profesor universitar, i cili deri më tani ka qenë nënkryetar i klubit dhe mjaft aktiv në të gjitha aktivitetet e deritashme. Ndërsa, përpos kryetarit Rushiti, në kryesinë e re do të bëjnë pjesë: Sunaj Raimi – nënkryetar, Sevdail Demiri – sekretar, dhe Burhanedin Xhemaili e Selajdin Shabani – anëtarë. Poetja Arta Selmani, do të jetë koordinatore e aktiviteteve për të rinj.

Kuvendarët diskutuan për programin e ri zhvillimor të klubit, ku synohet të shtohen edhe aktivitete të reja, siç janë orët letrare nëpër shkolla, promovimi i individualiteteve letrare, etj.

Ndryshe, në punimet e Kuvendit të 6-të zgjedhor të Klubit të Shkrimtarëve “Jehona e Karadakut” – Kumanovë, morën pjesë shkrimtarët: Bejtush Memeti, Nehas Sopaj, Ismail Ganiu, Burhanedin Xhemaili, Sunaj Raimi, Arben Ibrahimi, Selajdin Shabani, Sevdail Demiri, Fatos Rushiti dhe Arta Selmani.

Klubi i Shkrimtarëve të Kumanovës paraqet një ndër organizimet e para të shoqërisë demokratike shqiptare, dhe botuese e revistës së parë të pavarur letrare shqipe në Maqedoni “Doruntina”.

Lexo më shumë Share

Xhevat Latifi, fitues i “Takimeve Poetike të Karadakut – 2019” (FOTO)

Kumanovë, 11.3.2019 – Me ngjyra të larmishme poetike nga mbarë trojet tona, edhe këtë 11 mars jehoi poezia shqipe në qendër të qytetit të Kumanovës në edicionin e 27-të të manifestimit “Takimet Poetike të Karadakut”.  Mbrëmja letrare u moderua nga doktori i filozofisë dhe sociologjisë, Sunaj Raimi, i cili në hapje të manifestimit u shpreh: “Sonte […]

Kumanovë, 11.3.2019 – Me ngjyra të larmishme poetike nga mbarë trojet tona, edhe këtë 11 mars jehoi poezia shqipe në qendër të qytetit të Kumanovës në edicionin e 27-të të manifestimit “Takimet Poetike të Karadakut”. 

Mbrëmja letrare u moderua nga doktori i filozofisë dhe sociologjisë, Sunaj Raimi, i cili në hapje të manifestimit u shpreh: “Sonte jemi mbledhur sërish bashkë për t’i dëshmuar muzave të Apolonit, atyre mbrojtësve të krijimtarisë shpirtërore, që të vazhdojnë t’i mbështesin dhe frymëzojnë poetët tanë”.

Ndërsa, kryetari i Klubit të Shkrimtarëve “Jehona e Karadakut” nga Kumanova, Sevdail Demiri, tha se tanimë qe 27 vjet me radhë, ky klub është një nga kultivueset më të denja të kulturës, artit dhe të traditës shqiptare në këto anë. “Ne si klub shquhemi për nga tradita. Një ditë më pare kishim një aktivitet ku shënuam 110 – vjetorin e Klubit Shqiptar të Kumanovës, i cili ishte klubi i parë, shkolla, vatra e parë e arsimit shqip në këto treva, me në krye Jashar Erebarën. Ne themi se aty e kemi bazamentin e arsimit, kulturës shqiptare këtu në Kumanovë me rrethinë, por që e kemi vazhduar pastaj edhe përmes Klubit të shkrimtarëve “Jehona e Karadakut” dhe aktiviteteve tjera”, potencoi Demiri.

Orën e madhe letrare e hapi poeti preshevar Mexhid Mehmeti, për të vazhduar më tej me poezitë e poetëve: Mimoza Erebara, Dami Iljazi, Isak Ahmeti, Rakela Zoga, Sarë Gjergji, Bilall Maliqi, Bejtush Memeti, Fatos Rushiti, Alketa Spahiu, Eroll Veliu, Hysen Kqiku,  Rabije Bytyqi, Arben Ibrahimi, Xhemë Karadaku, Demush Berisha, Behram Hoti, Selajdin Shabani, Rexhep Abazi, Nazmi Beqiri, Ismajl Baftjari, Sunaj Raimi, Rrahim Ganiu, Rexhep Bajrami, Xhevat Latifi, Adriatik Zeqiri, Ismail Bilalli, Avni Shaqiri, Arta Selmani dhe Ali Qerimi.

Një pjesë e poetëve lexuan jashtë konkurencës, ndërsa juria në përbërje: Ejup Ajdini, Burhanedin Xhemaili dhe Ismail Ganiu, i ndanë tre çmimet e para “Fadil Bekteshi”. Kështu, vendi i parë iu nda poetit gjilanas Xhevat Latifi për poezinë “Triptik për Kumanovën”, vendi i dytë poetit kumanovar Fatos Rushiti për poezinë “Grisje e imja”, dhe vendi i tretë poetes korçare Rakela Yzeiri – Zoga për poezinë “Përgjysëm shi”.

Të gjitha poezitë e orës letrare, sikurse edhe punimet e tryezës shkencore “110-vjetori i Klubit Shqiptar të Kumanovës”, do të botohen në numrin e radhës të revistës “Doruntina” (56), organ i Klubit të Shkrimtarëve “Jehona e Karadakut” nga Kumanova.

Manifestimi tradicional “Takimet Poetike të Karadakut”, përkrahet financiarisht nga Ministria e Kulturës e Republikës së Maqedonisë, ndërsa pjesërisht mbështetet edhe nga komunat e Likovës dhe Kumanovës.   

Lexo më shumë Share