Kategori: Artikuj

Njoftim për poetët kumanovarë

Të nderuar autorë, Klubi i Shkrimtarëve “Jehona e Karadakut” – Kumanovë, sivjet ka ndërmarrë një iniciativë për botimin e një përmbledhjeje të poezisë kumanovare shqipe (e titulluar “Kulla jonë”), e cila do të mbetet si një letërnjoftim i krijimtarisë letrare të kësaj treve shqiptare. Në këtë përmbledhje të veçantë poetike, do të radhiten të gjithë […]

Të nderuar autorë,

Klubi i Shkrimtarëve “Jehona e Karadakut” – Kumanovë, sivjet ka ndërmarrë një iniciativë për botimin e një përmbledhjeje të poezisë kumanovare shqipe (e titulluar “Kulla jonë”), e cila do të mbetet si një letërnjoftim i krijimtarisë letrare të kësaj treve shqiptare.

Në këtë përmbledhje të veçantë poetike, do të radhiten të gjithë emrat e njohur të letrave shqipe të trevës së Kumanovës (sot komunat e Kumanovës e Likovës) që kanë krijuar nëpër kohë, deri në ditët e sotme. Më konkretisht, synohet të prezantohen të gjithë poetët e kësaj treve të cilët deri më tani kanë botuar të paktën një libër me poezi.

Çdo poet do të prezantohet me disa poezi të përzgjedhura (të botuara apo të pabotuara), dhe në fund të tyre do të jepet nga një biografi – bibliografi e shkurtër me fotografi të autorit.

Prandaj, luten të gjithë autorët kumanovarë, që të na i dërgojnë nga 7 deri 10 poezi (me bio-bibliografi e fotografi), në mënyrë që pastaj redaksia të ketë mundësi të bëjë një përzgjedhje solide nga 3 deri 5 poezi (varësisht nga gjatësia e tyre). 

Ju lutemi që materialet t’i dërgoni në formë elektronike në këtë e-mail: jekaradakut@yahoo.com më së voni deri më 10 maj 2020.

Ju faleminderit për bashkëpunimin!

 

Lexo më shumë Share

Fatos Rushiti, kryetar i ri i Klubit të Shkrimtarëve të Kumanovës

Kumanovë, 2.2.2020  – Klubi i Shkrimtarëve “Jehona e Karadakut” nga Kumanova, sot në lokalet e Shkollës Fillore “Naim Frashëri” në Kumanovë, mbajti Kuvendin e 6-të zgjedhor. Fillimisht, kryetari i deritashëm, Sevdail Demiri, paraqiti raport për punën katërvjeçare, duke theksuar se gjatë kësaj periudhe është ruajtur me përpikëri kontinuiteti i veprimit të Klubit, si dhe imazhi […]

Kumanovë, 2.2.2020  – Klubi i Shkrimtarëve “Jehona e Karadakut” nga Kumanova, sot në lokalet e Shkollës Fillore “Naim Frashëri” në Kumanovë, mbajti Kuvendin e 6-të zgjedhor.

Fillimisht, kryetari i deritashëm, Sevdail Demiri, paraqiti raport për punën katërvjeçare, duke theksuar se gjatë kësaj periudhe është ruajtur me përpikëri kontinuiteti i veprimit të Klubit, si dhe imazhi pozitiv i krijuar nga të gjithë anëtarët i tij në gati tri dekada me radhë. Janë mbajtur të gjitha edicionet e manifestimit tradicional “Takimet Poetike të Karadakut”, në çdo 11 mars, shoqëruar me aktivitete përcjellëse (tribuna tematike, promovime librash, vizita), ku kanë marrë pjesë emra të njohur të letërsisë shqipe nga të gjitha trevat shqiptare, dhe janë shpërblyer poetët më të mirë me çmimin “Fadil Bekteshi”.

Në fushën e veprimtarisë botuese, nën siglën e Klubit janë realizuar gjithsej 12 botime (8 libra dhe 4 numra të revistës “Doruntina”), të financuara kryesisht nga Ministria e Kulturës.

Më tej, Demiri theksoi se kemi pasur bashkëpunim të shkëlqyer me klubet simotra nga Gjilani, Vitia e Presheva, si dhe me shkrimtarë tjerë nga Maqedonia e Veriut, Kosova e Shqipëria, duke marrë pjesë në manifestimet e tyre, si dhe ata duke qenë pjesë e aktiviteteve tona. Në qershor të vitit 2018, e nisëm një aktivitet të ri të klubit, poashtu tradicional – manifestimi kulturor interdiciplinar për të rinj “Pena ime”, ku gërshetohen arti letrar, muzikor dhe ai figurativ.

Pas miratimit të raportit të punës së kryetarit Demiri, u kalua në pikën tjetër – zgjedhja e kryesisë së re të klubit. Pas një diskutimi konstruktiv nga të gjithë kuvendarët, u vendos që kryetar i ri i Klubit të Shkrimtarëve “Jehona e Karadakut” nga Kumanova, të zgjidhet poeti Fatos Rushiti – profesor universitar, i cili deri më tani ka qenë nënkryetar i klubit dhe mjaft aktiv në të gjitha aktivitetet e deritashme. Ndërsa, përpos kryetarit Rushiti, në kryesinë e re do të bëjnë pjesë: Sunaj Raimi – nënkryetar, Sevdail Demiri – sekretar, dhe Burhanedin Xhemaili e Selajdin Shabani – anëtarë. Poetja Arta Selmani, do të jetë koordinatore e aktiviteteve për të rinj.

Kuvendarët diskutuan për programin e ri zhvillimor të klubit, ku synohet të shtohen edhe aktivitete të reja, siç janë orët letrare nëpër shkolla, promovimi i individualiteteve letrare, etj.

Ndryshe, në punimet e Kuvendit të 6-të zgjedhor të Klubit të Shkrimtarëve “Jehona e Karadakut” – Kumanovë, morën pjesë shkrimtarët: Bejtush Memeti, Nehas Sopaj, Ismail Ganiu, Burhanedin Xhemaili, Sunaj Raimi, Arben Ibrahimi, Selajdin Shabani, Sevdail Demiri, Fatos Rushiti dhe Arta Selmani.

Klubi i Shkrimtarëve të Kumanovës paraqet një ndër organizimet e para të shoqërisë demokratike shqiptare, dhe botuese e revistës së parë të pavarur letrare shqipe në Maqedoni “Doruntina”.

Lexo më shumë Share

Xhevat Latifi, fitues i “Takimeve Poetike të Karadakut – 2019” (FOTO)

Kumanovë, 11.3.2019 – Me ngjyra të larmishme poetike nga mbarë trojet tona, edhe këtë 11 mars jehoi poezia shqipe në qendër të qytetit të Kumanovës në edicionin e 27-të të manifestimit “Takimet Poetike të Karadakut”.  Mbrëmja letrare u moderua nga doktori i filozofisë dhe sociologjisë, Sunaj Raimi, i cili në hapje të manifestimit u shpreh: “Sonte […]

Kumanovë, 11.3.2019 – Me ngjyra të larmishme poetike nga mbarë trojet tona, edhe këtë 11 mars jehoi poezia shqipe në qendër të qytetit të Kumanovës në edicionin e 27-të të manifestimit “Takimet Poetike të Karadakut”. 

Mbrëmja letrare u moderua nga doktori i filozofisë dhe sociologjisë, Sunaj Raimi, i cili në hapje të manifestimit u shpreh: “Sonte jemi mbledhur sërish bashkë për t’i dëshmuar muzave të Apolonit, atyre mbrojtësve të krijimtarisë shpirtërore, që të vazhdojnë t’i mbështesin dhe frymëzojnë poetët tanë”.

Ndërsa, kryetari i Klubit të Shkrimtarëve “Jehona e Karadakut” nga Kumanova, Sevdail Demiri, tha se tanimë qe 27 vjet me radhë, ky klub është një nga kultivueset më të denja të kulturës, artit dhe të traditës shqiptare në këto anë. “Ne si klub shquhemi për nga tradita. Një ditë më pare kishim një aktivitet ku shënuam 110 – vjetorin e Klubit Shqiptar të Kumanovës, i cili ishte klubi i parë, shkolla, vatra e parë e arsimit shqip në këto treva, me në krye Jashar Erebarën. Ne themi se aty e kemi bazamentin e arsimit, kulturës shqiptare këtu në Kumanovë me rrethinë, por që e kemi vazhduar pastaj edhe përmes Klubit të shkrimtarëve “Jehona e Karadakut” dhe aktiviteteve tjera”, potencoi Demiri.

Orën e madhe letrare e hapi poeti preshevar Mexhid Mehmeti, për të vazhduar më tej me poezitë e poetëve: Mimoza Erebara, Dami Iljazi, Isak Ahmeti, Rakela Zoga, Sarë Gjergji, Bilall Maliqi, Bejtush Memeti, Fatos Rushiti, Alketa Spahiu, Eroll Veliu, Hysen Kqiku,  Rabije Bytyqi, Arben Ibrahimi, Xhemë Karadaku, Demush Berisha, Behram Hoti, Selajdin Shabani, Rexhep Abazi, Nazmi Beqiri, Ismajl Baftjari, Sunaj Raimi, Rrahim Ganiu, Rexhep Bajrami, Xhevat Latifi, Adriatik Zeqiri, Ismail Bilalli, Avni Shaqiri, Arta Selmani dhe Ali Qerimi.

Një pjesë e poetëve lexuan jashtë konkurencës, ndërsa juria në përbërje: Ejup Ajdini, Burhanedin Xhemaili dhe Ismail Ganiu, i ndanë tre çmimet e para “Fadil Bekteshi”. Kështu, vendi i parë iu nda poetit gjilanas Xhevat Latifi për poezinë “Triptik për Kumanovën”, vendi i dytë poetit kumanovar Fatos Rushiti për poezinë “Grisje e imja”, dhe vendi i tretë poetes korçare Rakela Yzeiri – Zoga për poezinë “Përgjysëm shi”.

Të gjitha poezitë e orës letrare, sikurse edhe punimet e tryezës shkencore “110-vjetori i Klubit Shqiptar të Kumanovës”, do të botohen në numrin e radhës të revistës “Doruntina” (56), organ i Klubit të Shkrimtarëve “Jehona e Karadakut” nga Kumanova.

Manifestimi tradicional “Takimet Poetike të Karadakut”, përkrahet financiarisht nga Ministria e Kulturës e Republikës së Maqedonisë, ndërsa pjesërisht mbështetet edhe nga komunat e Likovës dhe Kumanovës.   

Lexo më shumë Share

Programi dhe lista e pjesëmarrësve të manifestimit “PENA IME – МОЕТО ПЕРО – MY PEN“

Programi  dhe lista e pjesëmarrësve të manifestimit multimedial “PENA IME – МОЕТО ПЕРО – MY PEN“ Organizuar nga Klubi i Shkrimtarëve “Jehona e Karadakut”–Kumanovë, me moto: “My way”   I. Më 20.06.2018 (e mërkurë), ora 19:30, ekspozita në Galerinë e Arteve në Kumanovë: -Hapja  e festivalit, Fatos Rushiti, drejtor dhe Dali Alili – përgjegjës për […]

Programi  dhe lista e pjesëmarrësve të manifestimit multimedial
“PENA IME – МОЕТО ПЕРО – MY PEN“

Organizuar nga Klubi i Shkrimtarëve “Jehona e Karadakut”–Kumanovë,
me moto: “My way”

 

I. Më 20.06.2018 (e mërkurë), ora 19:30, ekspozita në Galerinë e Arteve në Kumanovë:

-Hapja  e festivalit, Fatos Rushiti, drejtor dhe Dali Alili – përgjegjës për artin figuativ;

-Fjalë rasti – mysafirë nderi;

-Pikë muzikore nga Funda Ali;

-Recension nga arti figurativ;

-Ndarja e çmimeve nga Komisioni vlerësues: “Pena e artë për pikturë”, “Pena e artë për grafikë”, “Pena e artë për skulpturë”.

Artistët pjesëmarrës me punime:

  1. Bejtulla Zaimi , Gostivar, “Forma” , teknika: skulpturë në allçi,
  2. Burim Ukiçi , Shkup, “Shah” , teknika: akril në pëlhurë,
  3. Ajser Shabani , Ohër, nga cikli “Natyrë dhe Fanitje ” , teknika: akril në pëlhurë,
  4. Drenusha Palloshi , Tetovë, “Dashuria” ,teknika: akril në karton
  5. Enesa Memeti , Tetovë, Pikturë -Titulli “Dashuria”, teknika: akril në karton,
  6. Afërdita Kiki, Shkup, “Pa titull”, teknika: Akril në pëlhurë,
  7. Flamur Miftari, Likovë, “Moscoë charm”, teknika: vaj në pëlhurë,
  8. Ardian Kadriu, Kumanovë, “Gorgu “, teknika: gips i patinuar,
  9. Naim Idrizi, Likovë, “Saxophonist”, teknika: Akuatintë,
  10. Muhamed Idrizi , Kumanovë, “Frymezimi”, teknika: vaj në pëlhurë,
  11. Nexhmedin Arifi, Kumanovë, “Hija ” 1 , teknika: vaj në pëlhurë
  12. Alket Zeqiri, Likovë, ” Zhbërja e qenies “, teknika : Gips i patinuar,
  13. Agron Saliu, Tetovë, “Lypsar” , teknika: vaj në pëlhurë,
  14. Armend Ademi, Kumanovë, ” Krijimi”, teknika: vaj në pëlhurë,
  15. Imran Zimeri, Likovë, ” Vuajtjet e nënës ” teknika, vaj në pëlhurë,
  16. Elita Aliti, Kumanovë, “Mikroscopic view” , teknika: Akuarele në letër transparente,
  17. Akime Rexhepi, Kumanovë, “Mëngjesi”, teknika: Akril në pëlhurë,
  18. Muhadin Abazi, Kumanovë, teknika: Linogravurë,
  19. Xhezair Rexhepi, Gostivar, “Metafora e Lirisë”, skulpturë, teknika e kombinuar
  20. Agron Saliu, Tetovë, “Lypsar”, teknika: vaj në pëlhurë,
  21. Visar Iseni, Shkup, “Elsa”, pikturë, teknika: vaj në pëlhurë
  22. Hanife Islami, Likovë, “Vendosja e Mbretërisë së Qiellit në Tokë”, teknika: Linogravurë,

 

II. Më 21.06.2018 (e enjte), ora 19:30, ora letrare “Ora e penës”, Salla e kuqe në Qendrën e Kulturës “Trajko Prokopiev” në Kumanovë:

-Hapja e orës letrare nga sekretari i Klubit të shkrimtarëve “Jehona e Karadakut”, Selajdin Shabani;

-Fjalë rasti – mysafirë nderi;

-Pika muzikore (instrumentale dhe solo kendim) në fillim, në mes dhe në mbarim të orës letrare;

-Ndarja e çmimeve nga Juria letrare: “Pena e artë – vendi i parë”, Pena e artë-vendi i dytë”, dhe “Pena e artë-vendi i tretë”.

Lista e poetëve pjesëmarrës:

  1. Arlinda Baftiu ( Shkup ): “Foli heshtjes tande”,
  2. Daim Miftari ( Gostivar): “Akuj”,
  3. Lindita Ahmeti ( Shkup ): “Mbreti ynë i përjetshëm”,
  4. Bujar Plloshtani ( Tetovë ): “Motiv poetik”,
  5. Arlind Farizi ( Tetovë ): “Në fillim ishte fjala”,
  6. Katerina Arsenovska ( Kumanovë ): “Драга пријателке”,
  7. Ali Qerimi ( Likovë ): “Darkë e vonë”,
  8. Nertila Pitarka ( Shkup ): “Ne po ikim”,
  9. Kreshnik Sopaj ( Likovë ): “Natë e heshtur kur humb shkëlqimi”,
  10. Adriatik Zeqiri ( Likovë ): “Qytet i munguar”,
  11. Fetanete Murtezani ( Shkup ): “Një shpirt i lodhur”,
  12. Fatos Grubi ( Shkup ): “ Katarzë”,
  13. Gentiana Ramadani ( Kumanovë ): “Ekspozitë”,
  14. Nita Beluli ( Tetovë ): “Mos më quaj jetim”,
  15. Epirot Ferati ( Kumanovë ): “Eja, kushdo që je, eja”,
  16. Suad Bajrami ( Shkup ): “Të bardhë të kristaltë”,
  17. Kaltrina Sadiki (Tetovë): “Stë kam gjetur”,
  18. Blerona Brao ( Strugë ): “Karadaku i Shqipërisë”,
  19. Selver Ajdini ( Kumanovë ): “Hejbet e mia”,
  20. Liridon Ademi ( Kumanovë ): “Marshimi i shpirtit”,
  21. Semine Hasani ( Shkup): “Do bëhem gur”,
  22. Elma Rexhepi ( Kumanovë ): “Për mikun tim pa emër”,
  23. Lejla Abazi ( Kumanovë ): “Imagjinatë në vjeshtë”,
  24. Sejdi Jahiu ( Likovë ): “Lulja ime”.

 

III. Më 22.06.2018  (e premte), ora 19:30, “Ora e muzikës serioze”, Salla e kuqe e Qendrës së Kulturës “Trajko Prokopiev” në Kumanovë:

-Hapja e Orës së muzikës serioze nga Funda Ali – përgjegjëse për artin muzikor;

-Fjalë rasti – mysafirë nderi;

-Ndarja e çmimit “Pena e artë për muzikë”, nga Komisioni vlerësues;

-Lista e artistëve pjesëmarrës:

  1. Endrit Ahmeti (Strugë): violinë, P. Sarasate – Introduction & Tarantella
  2. Syhana Reçi (Strugë): violë, Schumann “Adagio & Allegro” op. 70
  3. Arba Mehmeti (Tetovë): piano, Chopin Scherzo op. 20 no. 1
  4. Vullnet Neziri (Tetovë): obo, Saint Saens Introduction & Rondo Capricoso
  5. Argjira Qollaku (Shkup): flaut, Francois Borne “Fantasie Carmen”
  6. Teuta Emini (Tetovë): flaut, Garbiel Foure “Fantasie”
  7. Leutrim Sahiti (Kumanovë): piano, Feim Ibrahimi “Toccata”
  8. Flamure Abdullai (Tetovë): flaut, Poulenc Sonata për flaut koha 1
  9. Ismet Vejseli (Kumanovë): solo-këndim (kanto), G. Bononcini – Per la Gloria , G. B. Pergolesi “Se tu m’ami”
  10. Redina Bekteshi (Strugë): flaut, Ian Clarke – “Hypnosis”
  11. Talat Osmani (Kumanove):

 

VI. Më 30.06.2018  (e shtunë), ora 18:00, në Komunën e Likovës:

– Program përmbledhës me fituesit e tri disiplinave artistike:

-Ekspozimi i veprave më të mira artistike “Pena e artë për pikturë”, “Pena e artë për grafikë”, “Pena e artë për skulpturë”; 

-Prezantim i fituesve të orës letrare “Pena e artë – vendi i parë”, Pena e artë-vendi i dytë”, dhe “Pena e artë-vendi i tretë”,  dhe

-Prezantim i fituesit të çmimit “Pena e artë për muzikë”. 

 

Ju mirëpresim!

                                                                                      Drejtor i manifestimit

                                                                                              Fatos Rushiti

 

Lexo më shumë Share

Rushiti: Festivali “PENA IME” do të nxitë individualitete të reja krijuese

Arti, vjen i gërshetuar më të gjitha format e tij në festivalin “PENA IME”, i cili në edicionin e tij të parë, jo vetëm që do të bashkojë artistë e do t’i dekorojë ata për veprat e tyre, por edhe do t’i falë Kumanovës një ngjarje të madhe kulturore, transmeton portali i Radio KFOR-it nga […]

Arti, vjen i gërshetuar më të gjitha format e tij në festivalin “PENA IME”, i cili në edicionin e tij të parë, jo vetëm që do të bashkojë artistë e do t’i dekorojë ata për veprat e tyre, por edhe do t’i falë Kumanovës një ngjarje të madhe kulturore, transmeton portali i Radio KFOR-it nga Prishtina.
“PENA IME”, projekt i realizuar nga Klubi i Shkrimtarëve “Jehona e Karadakut” nga Kumanova dhe Likova, tashmë ka hapur konkursin për pjesëmarrje për të gjithë krijuesit shqiptarë dhe të komuniteteve tjera, në fushën e artit figurativ, muzikës dhe poezisë.
Në një intervistë për Radio KFOR-in, koordinatori i projektit “PENA IME”, Fatos Rushiti ka zbuluar detaje për festivalin:
Festivali “PENA IME” është projekti më ri i i Klubit të Shkrimtarëve “Jehona e Karadakut” nga Kumanova dhe Likova, i cili do të mbahet për herë të parë me 20, 21 dhe 22 Qershor të këtij viti. Ky festival që përfshin tre lëmi Artin Figurative, Poetik dhe atë Muzikor, ka për qëllim të nxit individualitete krijuese, të instaloj vlera të reja duke vënë në pah stile vetanake tek të rinjtë dhe mosha e mesme nga të gjitha nacionalitetet”, tha Rushiti.

“PENA IME” do të zgjasë për tre ditë radhazi dhe mëton të jetë festival tradicional dhe të mbetet model si aktivitet profesional dhe serioz në pikturë, grafikë, vizatim, skulpturë, poezi, rok poezi, poema, muzikë serioze, instrumentale dhe muzikë zbavitëse.
Koordinatori Rushiti, gjithashtu na tregoi edhe për afatet dhe procedurat e aplikimit të artistëve në festivalin “PENA IME”:
“Konkursi është shpallur më 11 Maj dhe do të vazhdojë deri më 11 Qershor, ndërsa më 16 Qershor komisionet vlerësuese për tre lëmi do të bëjnë publike 70 emrat e përzgjedhur për pjesëmarrje në Festival. Më pas komisionet do të zgjedhin tre çmime “PENA e ARTË” – për Pikturë, Grafikë dhe Skulpturë, “PENA e ARTË I, II dhe III” – për Poezi dhe “PENA e ARTË” – për interpretuesin më të mirë muzikor. Viteve tjera shpresojmë të zgjerojmë çmimet në fushën e Muzikës dhe Artit figurativ për Vizatim dhe Fotografi”,përfundoi Rushiti.

Festivalit “PENA IME” nuk do t’i mungojnë as mysafirët e shumtë nga rajoni. E pikërisht për artistët nga Kosova, Shqipëria e më gjerë do të mund të jenë pjesëmarrës të festivalit në rolin e konkurrentit, pasi “PENA IME” pritet të bëhet festival tradicional.

 

Burimi: http://www.radiokfor.com/1/?fn_mode=fullnews&fn_id=6216

Lexo më shumë Share

LETËR NGUSHËLLIMI

  Klubi i Shkrimtarëve “Jehona e Karadakut” nga Kumanova, u shprehë ngushëllime të sinqerta të gjithë familjarëve, miqve, kolegëve e shokëve të muzikologut të njohur të përmasave mbarëkombëtare, Zejadin Ismaili. Është kjo një humbje e madhe për artin, kulturën dhe shkencën muzikologjike shqiptare, të cilat me veprat e tij të shumta, i ngriti në piedestalin […]

 

Klubi i Shkrimtarëve “Jehona e Karadakut” nga Kumanova, u shprehë ngushëllime të sinqerta të gjithë familjarëve, miqve, kolegëve e shokëve të muzikologut të njohur të përmasave mbarëkombëtare, Zejadin Ismaili.
Është kjo një humbje e madhe për artin, kulturën dhe shkencën muzikologjike shqiptare, të cilat me veprat e tij të shumta, i ngriti në piedestalin më të lartë.
Përpos punës së tij të zellshme dhjetëravjeçare në sferën e arsimimit muzikor, ku arriti suksese të jashtëzakonshme sidomos me korin e shkollës, Zejadin Ismaili ishte edhe një nga anëtarët më aktiv të Klubit të Shkrimtarëve “Jehona e Karadakut” nga Kumanova.
Përmes këtij klubi botoi edhe disa vepra të suksesshme, ndërsa e fundit e botuar në vitin 2012 “Hove shpirtërore”, paraqet një mozaik vlerësimesh recensionale të gati gjithë shkrimtarëve shqiptarë të anës së Kumanovës, e cila mbase është antologjia e vetme e këtij lloji për shkrimtarët kumanovarë.
I qoftë i lehtë dheu i shqiptarisë!

Me nderime të larta,

Klubi i Shkrimtarëve “Jehona e Karadakut” -Kumanovë
Kryetar: Sevdail Demiri

Kumanovë, 7.11.2015

Lexo më shumë Share

Irena Gjoni fituese e çmimit “Pena e Flakës” në Gjilan

  Gjilan, 30.01.2015 – Me Orën e madhe letrare dhe shpalljen e rezultateve të konkursit shpërblyes, në Gjilan ka përfunduar “Pena e Flakës”, që është njëra prej katër shtyllave kryesore të manifestimit shumëkulturor “Flaka e Janarit”, që mbahet në këtë qytet prej 24 vitesh, në nderim të heronjve, dëshmorëve dhe martirëve të kombit. Juria në përbërje […]
 juria

Gjilan, 30.01.2015 – Me Orën e madhe letrare dhe shpalljen e rezultateve të konkursit shpërblyes, në Gjilan ka përfunduar “Pena e Flakës”, që është njëra prej katër shtyllave kryesore të manifestimit shumëkulturor “Flaka e Janarit”, që mbahet në këtë qytet prej 24 vitesh, në nderim të heronjve, dëshmorëve dhe martirëve të kombit.
Juria në përbërje Mehmetali Rexhepi, Sevdail Demiri e Fatmir Minguli, çmimin e Orës letrare ia ka ndarë poetes nga Saranda, Irena Gjoni, e cila u prezantua me poezinë “Ditë shpirti”…

-Përndryshe, në orën letrare, me punimet e tyre, të pabotuara, u paraqitën 35 poetë nga Kosova, Shqipëria, Maqedonia e Lugina e Preshevës, Zejnepe Halili, Linditë Ramushi-Dushku, Eda Miri, Arsim Halili, Zeqir Fazliu, Rrahim Sadiku, Demir Behluli, Beqir Buzoku, Rexhep Abazi, Rabije Bytyqi, Sarë Gjergji, Sejdi Berisha, Zana Piraj dhe të tjerë.
Ndërkaq, juria tjetër, në përbërje Ibrahim Kadriu, Sadete Tërnava-Osmani dhe Hasan Bunjaku ka shpallur rezultatet e konkursit letrar shpërblyes në poezi dhe tregim.
Vendi i parë për poezi i takoi punimit “Kitara” (shifra: Kitara) që doli të jetë e autores Zejnepe Halili nga Tetova, vendi i dytë – poezisë “Shën Asht” (shifra: Poeti) me autor Sarë Gjergjin nga Vitia, kurse vendi i tretë i është ndarë poezisë “Përmasat e eklipsit” (shifra: Rikthimi), që doli të jetë e poetes Rabije Bytyqi nga Prizreni.
Për tregim janë dhënë këto çmime: vendi i parë – “Takimi me vrasësin tim” (shifra: Miku im), vendi i dytë – “Synimi ynë për të krijuar njeriun” (shifra: Krijuesi), vendi i tretë – “Pirgu i errësuar” (shifra: Pirgu). Nga punimet e shpërblyera në tregim, u deshifrua vetëm vendi i dytë, që doli të jetë Rrahim Sadiku nga Ferizaj.
Përndryshe, juria ka përzgjedhur për botim në revistën letrare “Agmia” 33 poezi, nga 112 sa kanë arritur në konkursin letrar shpërblyes si dhe 12 tregime, nga 29 sosh, sa ishte prurja e përgjithshme në këtë zhanër krijues.
Çmimin e orës letrare, fitues nga Saranda ia ka dorëzuar Bujar Hairi, drejtor për Kulturë. Gjoni ka qenë fituese e këtij çmimi edhe para dy vitesh.
Orën letrare, e cila është organizuar nga Njësia për Kulturë dhe Ars Clubi “Beqir Musliu” e ka udhëhequr Fatushe Haliti. /rajonipress/

 P.S. Nga Klubi i Shkrimtarëve “Jehona e Karadakut” nga Kumanova, përpos kryetarit Sevdail Demiri si pjesë e jurisë profesionale, morën pjesë edhe poetët: Burhanedin Xhemaili, Arben Ibrahimi dhe Selajdin Shabani.

Lexo më shumë Share

Ismail Kadare feston sot 79 vjetorin e lindjes

28 Janar 2015 – Ismail Kadare feston sot 79 vjetorin e tij të lindjes. Shkrimtari shqiptar Ismail Kadare është një nga më të mëdhenjtë e letërsisë shqiptare, ndërkohë që veprat e tij janë njohur përtej kufijve. Kadare është një nga shkrimtarët më të njohur të letërsisë botërore bashkëkohore. Me veprën e tij, ai ka shënuar një […]

kadare

28 Janar 2015 – Ismail Kadare feston sot 79 vjetorin e tij të lindjes. Shkrimtari shqiptar Ismail Kadare është një nga më të mëdhenjtë e letërsisë shqiptare, ndërkohë që veprat e tij janë njohur përtej kufijve.

Kadare është një nga shkrimtarët më të njohur të letërsisë botërore bashkëkohore. Me veprën e tij, ai ka shënuar një numër rekord të përkthimeve (në mbi 45 gjuhë të huaja), ai e ka bërë të njohur Shqipërinë në botë, me historinë dhe kulturën e saj.

Vepra e parë e rëndësishme e Ismail Kadaresë në prozë është romani “Qyteti pa reklama”, që nuk u lejua të botohej i plotë deri në vitin 2003.

Shumica e veprave të Ismail Kadaresë janë përkthyer e botuar në mbi 45 gjuhë të botës dhe janë pritur shumë mirë nga lexuesit.

Shkrimtari shqiptar më i njohur për botën, është laureat i shumë çmimeve letrare kombëtare dhe ndërkombëtare.

Karriera e Ismail Kadaresë

Kadare ka lindur më 28 janar të vitit 1936 në Gjirokastër. Më 1958 mbaroi degën e Gjuhës e të Letërsisë në Universitetin e Tiranës. Më pas studioi në Moskë, për dy vite, në Institutin e Letërsisë Botërore “Maksim Gorki” nga viti 1958 në vitin 1960.

Ai detyrohet t’i braktisë studimet për shkak të ashpërsimit të marrëdhënieve mes Shqipërisë dhe Bashkimit Sovjetik. Kthehet në Shqipëri dhe më pas punon ne gazetën “Drita”, e me pas drejton revistën “Les letres albanaises”.

Në vjeshtën e viti 1990 Ismail Kadare vendosi të largohet nga Shqipëria dhe të qëndrojë në Paris. Shkrimtari në atë kohë e përligji këtë largim me “mungesën e ndryshimeve demokratike”. Autoritetet e diktaturës komuniste e dënuan largimin e Ismail Kadaresë, por krijimtaria e tij nuk u ndalua.

Nga viti 1990 e më pas vepra e tij bëhet shprehja më e fuqishme e vlerave gjuhësore dhe artistike të shqipes letrare, brenda dhe jashtë vendit. Letërsia e Ismail Kadaresë pas vitit 1990 bart të njëjtat tipare thelbësore të asaj të mëparshme: frymën etnografike dhe shpërfaqjen e identitetit shqiptar – shtuar lirinë e autorit për të trajtuar tema që më parë nuk mund të trajtoheshin lirshëm.

Në vitin 1996 Kadare u bë anëtar për jetë i Akademisë së Shkencave Morale dhe Politike në Francë.

Në vitin 1992 u vlerësua me Prix Mondial Cino Del Duca; në 2005 fitoi “Man Booker International Prize” dhe në vitin 2009 u nderua me çmimin spanjoll Prince of Asturias, për Artet – që është një nga çmimet letrare më prestigjioze në botë.

Në vitin 2010 Ismail Kadare nderohet në Itali me çmimin Lerici Pea.

Ismail Kadare është dekoruar nga institucioni i Presidentit me Urdhrin “Nderi i Kombit” dhe nga shteti francez me urdhrat “Kryqi i Legjionit të Nderit” e “Oficer i Legjionit të Nderit”.

/Shekulli Online/

Lexo më shumë Share

U promovua libri i Nazmi Beqirit: “Rrugëtimi drejt luftës për paqe”

Shkup, 26 dhjetor – Dje në amfiteatrin e UEJL, u bë promovimi i librit “Rruga drejt luftës për paqe” me autor Mr. Nazmi Beqiri. Librin në fjalë, të cilin e kishte botuar “Instituti për studime strategjike dhe ndërkombëtare” e prezentuan dhe për të folën një numër panelistësh të nderuar ndërsa me gjithë promovimin udhëhoqi Profesor […]

libri nbShkup, 26 dhjetor – Dje në amfiteatrin e UEJL, u bë promovimi i librit “Rruga drejt luftës për paqe” me autor Mr. Nazmi Beqiri. Librin në fjalë, të cilin e kishte botuar “Instituti për studime strategjike dhe ndërkombëtare” e prezentuan dhe për të folën një numër panelistësh të nderuar ndërsa me gjithë promovimin udhëhoqi Profesor Doktor Ylber Sela.
Profesor Sela, duke folur për librin përveç tjerash iu bëri thirrje të gjithë pjesëmarrësve në luftën e vitit 2001 që sa më parë të shkruajnë për këtë ngjarje të madhe duke kujtuar vetë ndodhitë dhe duke prezentuar ato nga dora e parë.
Të pranishmit i përshëndeti Kryetari i Komunës së Çairit z. Izet Mexhiti i cili tha se lufta e vitit 2001 ka qenë njëra prej luftërave më të drejta dhe ngjarja e cila shënoi një kthesë të madhe për shqiptarët e Maqedonisë, një ngjarje e cila solli Marrëveshjen e Ohrit dhe si rezultat i saj u themelua Komuna e parë urbane shqiptare e Shkupit, Komuna e Çairit.
Pastaj për librin folën edhe recenzentët, Dr. Sadri Ramabaja dhe Dr. Bekim Maksuti të cilët apostrofuan vlerën e saj jo vetëm historike por duke theksuar edhe dimensionin e saj politik.
Në fund të këtij manifestrimi, para një opinion të gjërë të përfaqësuesve të jetës politike, intelektuale e qytetare të Shkupit, Kumanovës dhe më gjërë, foli autori i librit, veprimtari i shquar i çështjes kombëtare, Mr. Nazmi Beqiri.
Duke folur për veprën e tij të fundit, zoti Beqiri theksoi rëndësinë e luftës së shqiptarëve për të drejtat e tyre ndërsa nuk la pa përmend edhe fragmente të librit të cilat reflektojnë nderin, vendosmërinë dhe qëndrueshmërinë e djemve e vajzave të reja të cilët gjatë vitit 2001 kishin sakrifikuar çdo gjë për një jetë më të mirë dhe më të dinjitetshme. /Zhurnal.mk/
libri nb1

Lexo më shumë Share